Abbraccio

食物几好，环境舒服，服务态度非常好。醒目，又有心嘅餐厅同职员今日同朋友庆祝生日，其实都无乜期待，只系想二个人食餐好，食下个景，所以订位时系open rice拣生日、remark坐outdoor，就无要求其他。佢下午打黎同我confirm订位，佢话见到我拣生日，想问下寿星个名点串，想帮我mark定，系我会嗌嘅野食上面写名。去到嘅时候，每一位侍应都好好态度，每位都有笑容。负责我地张枱嘅侍应，好耐心咁介绍个餐牌，尤其系我地都拖左几耐决定唔到食咩嘅时候，佢一啲唔耐烦嘅语气都无。再黎，因为我怕我系电话讲得唔清楚我朋友个名，会写错，所以我趁朋友去左厕所嘅时候走去同佢地confirm。咁岩佢地想覆我嘅时候，我朋友返左黎，佢地即刻扮无野，等我朋友坐底左、背返住佢哋嘅时候做手势话俾我知已经确定好。虽然呢样系好微细嘅事，但讲真𠮶句，今时今日醒目同埋有心嘅餐厅同职员已经少之又少。都食完饭上甜品嘅时候，主厨同一班侍应特登出嚟同我朋友唱歌庆祝生日，我哋觉得佢地真系好有心，令到成个体验到非常好。所以好想特登留返个留言支持吓。