家素素食私房菜 (已結業)

礼拜一，又系超级忙碌的一日。今日想食light D~见到成业二楼呢度开左间素食，想话求其食la，无想到居然咁好食，而且超抵。我和同事一人order一个lunch set大约50-60蚊不等，前菜有凉拌黑豆，醋腌浸甜萝卜片，还有一大块苹果。个餐汤真系劲好饮，完全有老火汤的味道！ 而餐饮则系新鲜制造的黑豆浆，自助无限任添wor~劲正！！！冬天饮多两杯热辣辣香滑黑豆浆，一阵做嘢都落力D呀~haha！通常D人以为素食就一定好dry好淡茅茅,其实唔系架。好似我呢个餐咁冬菇茄香肉酱饭，用左冬菇去提香，切条食上来质感好似肉，茄子又软又甜，D配菜都系十分爽脆啊。最紧要个饭系用左珍珠米，够晒饭香，虽然系肉酱哦但系完全唔肥腻，香口到好似食紧真的肉酱一样，而且份量十足。同事就叫左个冬菇肉酱捞芝麻，配菜大致上一样，但个面系用左黑芝麻酱去制造，爽滑弹口，有稻庭乌冬的质感，但充满豆香味。捞埋D肉酱食，又一层滋味。真系无想过素菜可以整到咁出色呀！下次要再食过先得！食饱饱lu~继续勤力去工作。