華苑酒家 (已結業)

平安夜约埋三五知己一齐去食打边边，我哋都好多年冇食过西餐因为唔想同人迫，同埋我哋都系钟意食中餐嘅。我哋拣咗呢间近近地嘅华苑酒家，佢地理环境好好，好近朗屏西铁站，由朗屏西铁站行过去唔使5分钟，一去到楼下又唔使等位可以直接上去食嘢非常之好啊，最重要值得一赞嘅地方系服务态度非常之好，经理不断介绍食物俾我地, 因为天气都好干燥，我哋就带咗个椰子鸡汤底，呢度嘅椰子鸡汤底好特别架，平时我哋食开嘅椰子鸡汤底都系清椰子水汤底+鸡，呢度嘅椰子鸡汤底呢就系椰浆味比较重嘅椰子鸡汤底，我自己就好钟意呢啲椰浆味啦，另外嘢食方面都好多选择，一部份系用纸仔落单令一部份系自己去攞嘅，所以都可以因应自己嘅要求去攞几多食几多！