影片
更多
2022-10-11
325 浏览
最近ig 经常被火夫洗版，搅到我都心思思想去试吓。一入去就俾热闹嘅气氛同日系装修吸引，好似去咗日本嘅居酒屋咁。加上啲份量比较细，所以失咗控少少，两个人叫咗咁多嘢😬角瓶威士忌梳打一品麦粒味噌青瓜-叫任何酒精类饮品送嘅，味噌唔会太咸，配青瓜特别清新。海葡萄鲔鱼沙律-好大盘好丰富，除咗海葡萄同鲔鱼外，仲加咗生洋葱、海带同豆腐，鲔鱼感觉上唔系用雪藏货，一啲雪味都冇，酱汁偏日式，酸汁为主，较开胃。鲑鱼他他-味道一般，主要系我唔多中意生洋葱嘅味道，所以唔啱我食。醋鲭鱼-都系批发嘅，所以味道正正常常。枝豆春卷-香口版嘅毛豆，成条春卷都铺满毛豆，啱哂毛豆爱好者，反正用毛豆打成嘅酱汁有啲夹硬来，豆腥味较浓，我中意就咁食条春卷多啲。土手烧-炆牛筋牛腩，非常入味，好似用味噌调味，送酒一流。串烧葡萄鸭卷-估唔到都鸭肉同提子都几夹，咸甜组合，鸭胸嘅烟熏味配搭葡萄嘅香甜，味道丰富，上面有少少芥末，带来少少辛辣感。牛小肠-同韩国嘅牛肠好唔同，几乎一啲肥膏都冇，口感爽脆，隐约食到油香，一啲负担感都冇。葱卷牛舌-厚切牛舌甘香弹牙，肉汁丰富，大葱香甜清新。鸡心-少少腥味，不过可接受嘅范围，有啲韧。串扬玉子鳗鱼-炸串版鳗鱼
角瓶威士忌梳打
一品
麦粒味噌青瓜-叫任何酒精类饮品送嘅，味噌唔会太咸，配青瓜特别清新。
海葡萄鲔鱼沙律-好大盘好丰富，除咗海葡萄同鲔鱼外，仲加咗生洋葱、海带同豆腐，鲔鱼感觉上唔系用雪藏货，一啲雪味都冇，酱汁偏日式，酸汁为主，较开胃。
鲑鱼他他-味道一般，主要系我唔多中意生洋葱嘅味道，所以唔啱我食。
醋鲭鱼-都系批发嘅，所以味道正正常常。
醋鲭鱼
7 浏览
1 赞好
0 留言
枝豆春卷-香口版嘅毛豆，成条春卷都铺满毛豆，啱哂毛豆爱好者，反正用毛豆打成嘅酱汁有啲夹硬来，豆腥味较浓，我中意就咁食条春卷多啲。
土手烧-炆牛筋牛腩，非常入味，好似用味噌调味，送酒一流。
串烧
葡萄鸭卷-估唔到都鸭肉同提子都几夹，咸甜组合，鸭胸嘅烟熏味配搭葡萄嘅香甜，味道丰富，上面有少少芥末，带来少少辛辣感。
牛小肠-同韩国嘅牛肠好唔同，几乎一啲肥膏都冇，口感爽脆，隐约食到油香，一啲负担感都冇。
葱卷牛舌-厚切牛舌甘香弹牙，肉汁丰富，大葱香甜清新。
鸡心-少少腥味，不过可接受嘅范围，有啲韧。
串扬
玉子鳗鱼-炸串版鳗鱼玉子烧，外脆内软，玉子经过油炸后仍然保持嫩滑。
酱渍鹑卵-腌咗嘅鹌鹑蛋带有咸香，中间夹咗粒小番茄，有啲奇怪。
樱花虾豆腐-樱花虾炸皮香脆可口，另一外脆内软嘅经典，虽然豆腐偏硬身，不过仍然十分香滑。
蟹肉牡蛎-炸蚝嘅熟度刚好，内𥚃仍然creamy，外面放上鲜甜嘅蟹肉，双重鲜味。
面食
虎虾浓汤面-招牌菜之一，造型非常震撼，虎虾炸至香脆，汤底虾味浓郁，浓稠到酱汁一样，采用粗面，特别挂汁，每啖都感受到浓浓嘅虾味。
酒类选择丰富同埋食物唔差，上菜速度快，适合一大班朋友聚会，气氛真系好好。
张贴
