家賀屋

今次嚟到铜锣湾嘅家贺屋，刺身好新鲜好好食！餐厅招牌嘅特选海鲜丼定食多款高质食材，而且价钱公道，每款海鲜都好食到停唔到口～尤其系海胆，好有海水味之余好甘香，大大啖食落去好满足🤤后来觉得太好味再单点追加多份海胆，就咁食又得，如果觉得太腻亦都可以放上紫菜包住食，两个食法都咁好味！另外几款都好出色，三文鱼又厚又香鱼油味，肥瘦均匀，仲有个酱汁鲍鱼都几特别，以前食日本料理比较少试到。除此之外再叫左两只生蚝，大大只又够肥美，齿颊留香回味无穷😋跟住就到寿司同埋其他熟食，𩽾𩾌鱼肝绝对系必食推介，𠮶种鱼肝嘅油香真系唔系其他食物可以比拟得到。三文鱼汤都好好饮，够晒火侯熬出嚟嘅鱼汤好入味，汇聚晒三文鱼嘅精华，饮过翻寻味～最后梗系唔少得叫返杯碳酸果酒～有多款不同口味，巨峰提子果汁几好饮，甜甜地酸酸地好易入口，唔会话好大浸酒味，chill下送刺身一流。总括而言，整体用餐体验非常好，餐厅环境都好阔落，食物质素亦高，加上位于铜锣湾地点都好方便，钟意食日本嘢嘅话不妨一试！