王府

营业中

休息中

中环食饭一般人多挤迫,少人去𠮶间就系麻麻地嘅餐厅。我去过呢间几次,人唔算多,但几好味,一改我之前嘅谂法㖞。天时冻冻地,叫咗一碗韭菜饺加酸辣汤汤底,成碗热辣辣送上嚟,真系睇见到都暖笠笠。餐厅讲明饺子皮系人手搓嘅,比起一般用机器搓,梗系唔同啦,质感零舍烟韧。因为系北京水饺,所以皮系比较厚,食咗十粒水饺,已经够晒饱喇!至于个酸辣汤汤底,唔算太辣,又唔算太酸,啱我个人口味,所以返食再返食都唔出奇。我之前食嘅都系净水饺,一样咁好味! 下次我要试下煎饺,同埋水饺面,睇下系咪一样咁出色至得。