德國餐廳 (已搬遷) 新店位置

今日决定再去食das bier。叫左个德国啤酒，好正呀！大大啖吞入口，果种浓浓既麦香味由口散出黎，真系人间享受！热辣辣既天气，饮住一杯大大杯既德国冻啤，好似去左旅行咁，超级放松。我钟意个啤酒既味道，唔会太苦，麦香味cover左苦味。好特别。另外仲叫住个烧肋骨，睇落都好大份。烧肋骨既酱汁好浓，已经渗透入去肉质度，正！但见到好大块，其实如果可以再多d肉就好啦。个酱汁系超级惹味既！叫多个炸薯角，呢个薯角份量就真系多啦！而我且热辣辣，入口好香脆，外脆内软，再点买蕃茄酱，再一口啤酒，生活态度呀！食食下原来已经系度享受左咁耐，不知不觉已经九点，下次有机会再食过啦！