大角咀麥太甜品

营业中

休息中

今日系奥海城行下街，食完饭谂住食个甜品，但奥海城入边又无咩好选择，系OpenRice search 下就揾到呢间麦太甜品，第一次听呢个名觉得好亲切，好有妈妈嘅感觉，同时又谂呢个麦太会唔会同卡通片嘅麦兜会唔会有关系呢？果然无估错，呢间舖头系用麦兜故事做主题，成间舖头都放置麦兜故事入边嘅角色嘅公仔，入到去真系好开心。而且，呢间系一间社会企业，收入会扣除开支会拎去做善事，帮助其他人。甜品有中式有西式，我叫左一个桂花糕（忘记拍照，抱歉），价钱系平民价，质素一般，不过不失。虽然食物质素一般，但系都俾呢度嘅装修同布置平衡了。重点系，消费嘅同时又做了善事，自我感觉良好。希望大家都黎支持佢地。