影片
更多
2023-09-11
79 浏览
庆祝生日会去边，香港有林林总总嘅菜式，而同行朋友钟情于中菜，咁既然要食，就梗系食最好嘅今日就嚟到位于mira place美丽华商场4楼食四方嘅富豪酒家，系荣获十三年米芝莲一星嘅酒家，人生点都要试一次啦好多人一听到富豪酒家就会谂起阿翁鲍鱼，除此之外仲有好多名菜值得品尝，而今日3位女士就拣咗一啲养颜嘅菜式《水晶炒官燕》燕窝对于好多女人嚟讲系补品，含有丰富嘅蛋白质同氨基酸，滋阴养颜，富豪酒家采用嘅系印尼官燕盏，师傅将发好嘅燕窝加上花蟹肉同蛋白用砂锅堂炒之后再加上金华火腿茸，燕窝口感滑嫩，香气浓郁，入口感受到淡淡清香，同埋金华火腿茸，甘香得嚟唔会盖过燕窝嘅清，有画龙点睛之用，大家一食都惊叹不已《鲍汁花胶鹅掌》花胶有丰富嘅胶原蛋白同高蛋白质，好多女士都好钟意食，但系花胶鹅掌系一道好考功夫时间耐性嘅菜式，亦都好难会买到靓花胶，呢度采用印度花胶公和波兰鹅掌花胶公厚身有嚼劲，充满骨胶原，食完黏嘴唇就知，花胶软硬适中，唔会话淋到一pat野，又唔会话硬到要咬好耐，加上鲍鱼汁做芡，味道恰到好处，鹅掌腍滑厚肉，筋位有嚼劲，高蛋白质，低脂肪，低胆固醇嘅佳品，加上鲍鱼汁好入味《云腿玉树麒麟班》由细到大都钟意食鱼，
今日就嚟到位于mira place美丽华商场4楼食四方嘅富豪酒家，系荣获十三年米芝莲一星嘅酒家，人生点都要试一次啦
好多人一听到富豪酒家就会谂起阿翁鲍鱼，除此之外仲有好多名菜值得品尝，而今日3位女士就拣咗一啲养颜嘅菜式
《水晶炒官燕》
燕窝对于好多女人嚟讲系补品，含有丰富嘅蛋白质同氨基酸，滋阴养颜，富豪酒家采用嘅系印尼官燕盏，师傅将发好嘅燕窝加上花蟹肉同蛋白用砂锅堂炒之后再加上金华火腿茸，燕窝口感滑嫩，香气浓郁，入口感受到淡淡清香，同埋金华火腿茸，甘香得嚟唔会盖过燕窝嘅清，有画龙点睛之用，大家一食都惊叹不已
《鲍汁花胶鹅掌》
花胶有丰富嘅胶原蛋白同高蛋白质，好多女士都好钟意食，但系花胶鹅掌系一道好考功夫时间耐性嘅菜式，亦都好难会买到靓花胶，呢度采用印度花胶公和波兰鹅掌
花胶公厚身有嚼劲，充满骨胶原，食完黏嘴唇就知，花胶软硬适中，唔会话淋到一pat野，又唔会话硬到要咬好耐，加上鲍鱼汁做芡，味道恰到好处，鹅掌腍滑厚肉，筋位有嚼劲，高蛋白质，低脂肪，低胆固醇嘅佳品，加上鲍鱼汁好入味
《云腿玉树麒麟班》
由细到大都钟意食鱼，尤其去酒楼食，因为系屋企冇咁大个炉同咁大条新鲜鱼，呢度采用嘅系生㓥老虎班起肉切片，肉质细嫩，肥美，完全冇腥味，好新鲜，中间夹住金华火腿片和冬菇片排成麒麟状蒸熟
一啖将三样一齐放入口，金华火腿嘅咸香配上清淡嘅鱼肉，互相配合，再伴上菜远加上上汤芡汁。
《金银四宝白菜包》
菜式一上，已经觉得好特别，好似鲜竹卷咁，只系唔同嘅系师傅用白菜包，更考功夫，细细品尝后发现内里有鸡肉冬菇鲜鲍片同鲜蟹肉4种材料
用津白菜叶飞水琼干做皮包住稻料，清蒸白菜包就有食过，但碟上嘅另一个系蘸蛋桨油炸至金黄色，味道与清蒸稍有不同，多咗一种蛋香味，口感亦都因为炸过，第一啖唔会同上汤清蒸一样，明明食紧同一样野，又好似唔系咁样，上桌碟中正如菜名呈现金色和银色菜包各一个，一个香滑浓郁，另一个清甜爽口，各有特色。
《生磨合桃露》
最后食咗咁多名菜，当然要用甜品作结，合桃补脑，仲可以抗衰老，合桃本身香却少许甘苦，所以一直都唔太食，但呢度嘅合桃无咗个种甘苦味，口感顺滑，令人一啖接一啖，另外中式糖水本来以为好甜，富豪酒家呢家整得甜度适中，唔会过甜过淡
《阿翁溏心奶黄月饼》
临近中秋节，经理仲好好人咁请我哋试佢哋出品嘅奶黄月饼
一切开，中间嘅奶黄就流哂出嚟，唔会话好甜好漏，咸甜比例适中，入口软滑，口腔充满咸香味，饼皮唔会话好厚
配上紫金色两层扇形开盒设计，送礼一流，自私食亦十分不错，未试过嘅绝对推介大家一试
张贴
