一喜食堂 (已結業)

一喜食堂嘅位置一啲都唔起眼。要揾到佢真系好讲缘份😂😂 不过当你见到佢，你就一定会俾佢嘅摆设吸引。超人公仔，铁甲万能侠，好多都勾起爱嘅童年回忆。当然单凭精致嘅摆设同布置，系今时今日一定唔足够。佢哋嘅餐牌选择唔算特别多，主打都系一啲传统日式菜，包括拉面，咖喱饭，仲有一啲佐酒小食，例如唐扬炸鸡，沙律等等。我哋两个人就嗌左咖喱鸡饭同埋和牛乌冬。(1) 咖喱鸡饭- 首先佢个鸡肉质感做得非常出色，你唔好见佢只颜色好似好浅色咁，其实啲鸡肉系慢煮而成嘅。咖喱汁亦都唔系市面上一般买到嘅咖喱砖，而系加咗一啲独特嘅配料同香味。米饭当然一定系选用日本米，好有日本家常菜嘅感觉🥰🥰(2) 和牛乌冬- 和牛就比较薄切嘅，对于食肉兽来讲可能未必得到满足。不过佢个汤底都系用肉骨熬制而成，再加上一啲日本葱，紫菜，以及系温泉蛋，食落去嘅感觉都令我非常满足。见到隔篱位有人嗌咗炸鸡，我都好似好吸引，不过我哋实在食得太饱啦，唯有下次再帮衬🥰