FAMA (已結業)

今日陪朋友大埔去睇医生，睇完医生谂住揾个地方hea吓，咁岩见到呢间cafe就入去睇下。 一入到去，哗好多board game同漫画，我就知系呢到过足全日绝对无问题👍🏿。 今次同朋友两个叫咗一个美国牛扒配美国鸡胸，同埋烟肉鸡柳鲜虾扁意粉。因为呢度系自助形式，喺等食物嘅时候我哋就自己去咗攞武器-刀同叉。系攞紧刀叉嘅同时，竟然俾我发现到辣椒仔,我最爱。攞咗埋位之后我哋就坐咗响侧边嘅梳化一本漫画一路排一路等，漫画种类都好老少咸宜，有叮当同蜡笔小新，又有悬疑嘅侦探学园Q，仲有经典嘅龙珠。唔好以为剩系得适合大人嘅漫画睇，重有大量嘅儿童图书，一家大小来玩又啱，几个朋友都啱。睇左一阵漫画，手上既提示器就响起，咁我哋就去攞食物啦。两个食物同时到达，唔会话一个上先一个上后，无左要慢慢等埋另一个先食得嘅情况发生。牛扒同鸡胸都非常之鲜嫩，另外都会配番茄同埋芦笋，食肉兽之余仲有啲菜俾你，配上薯角饱腹感啱啱好。鸡肉大虾意粉上到黎比想像中多材料，而且软硬啱啱好。另外我哋仲嗌左榛子朱古力同鲜奶咖啡，原本以为都系普通货色，点知榛子味超级浓郁饮完满满既幸福感即刻返晒黎而鲜奶咖啡亦都好香奶味令到杯咖啡非常之顺滑。