極尚大喜屋 (鱷魚恤中心)

营业中

休息中

又系同朋友仔聚旧嘅时候，有人举手话要食放题，其他人即时和议！一出电梯门己经听到非常热闹，真系连平日都咁多人，好彩朋友有订位~刺身款式多多，厚厚嘅三文鱼，仲有赤贝，象拔蚌，仲有唔系度度有嘅花海哲，点完又点，食得满足~真心钟意迷你手卷，细细份可试唔同款又唔怕食滞～烧物有好多好嘢食，呢个姜葱爆鳝球真系好好食，够香口又惹味，个皮带点脆！烧鳗鱼一样有质素，加埋甜甜地嘅酱汁好好味~呢个香草牛油煮蚬够晒奶油香，蚬肉虽然系细细只，但无沙带甜，食到咁上下叫返个锅飮啖汤都唔错！食放题最紧要尽情，120分钟都真系好够食，最后食碗拉面有劲香蒜味汤底，唔错唔错！