御麵 (已結業)

星期五行完山， 落山医肚， 朋友的朋友介绍去御面， 因为唔熟元朗路，睇google 左行右行先揾到， 原来向大坑渠B仔凉粉附近。店子细细， 可能闲日又过左午餐时间，人流一般，静静地，抱著一般心情， 冇特别期望！ 一坐下， 店员推介炸鸡球， 咁就信佢啦! 要了炸鸡球酸辣面。另外， 朋友话佢地猪手出名， 都叫埋！ 仲有叫了炸鸡翼，这个一定安全。先来炸鸡翼， 一上枱趁热即食，肉滑皮脆！ 食完先想起未影相， 所以相片只见鸡骨再来主角炸鸡球酸辣面， 鸡球分开上， 鸡球好香，少少咸香， 有啲似日式唐扬， 鸡球中间加了黄姜粉，又多一重香！ 另一惊喜就系个鸡皮好脆，一啲都不油腻， 脆薯片咁，但系有鸡香味， 连平日不食鸡皮的我都食晒！ 超赞。最后，猪手又淋又滑，一啲都唔油腻！几拾蚊大大碟， 好抵食！ 可能肉类太出色， 酸辣面反而平凡了。这店有惊喜，好食！ 已经谂定下次再去会叫啤酒或烧酒送炸鸡球、鸡翼、猪手😎🤣