影片
更多
2024-10-25
408 浏览
多年冇光顾simplylife，朋友想食，就嚟咗佢的九龙塘分店。午市尾声到达，食客迫爆，店员话用餐限时1小时，比好多餐厅严。但由于我哋嚟到已近1330，坐下坐下，食客走完一台又一台，再冇限时要求，可任坐。一共点咗3个午餐（$128），包包主菜同罐装饮品，如可乐、梳打水。午餐加$10会有餐汤/沙律配法包，另外亦可额外以优惠价加点各款咖啡/饮品（咖啡细杯~$21，大杯~$26）。咁样点的话，连加一，午餐~$180/人，消费唔低。另外，我哋仲点咗2款分别外卖系$38的甜品，堂食加一。沙律配法包：沙律ok，冇特别，油醋汁，沙律菜上有少少青苹果片同橙；法包放到硬晒，口感麻麻水煮蛋伴大啡菇菠菜：要求荷兰汁另上；卖相可以，但食物较普通，始终系屋企煮到的菜式，胜在健康啲。水煮蛋冇蛋味；芝士片的味道亦唔浓；菠菜份量少；唯独系英式松饼的面包质感唔错；整体上，食物原材料的质素唔高鲜奶咖啡：几欣赏餐厅提供大/细杯的咖啡选择；点咗大Latte，接近300ml；颜色系非常、非常淡的啡色，奶味为主，唔系好饮到咖啡味，都几失望开心果红桑子慕丝蛋糕：食到有少少开心果味但偏甜，开心果控食到就好难感到满足，不过止下渴都可以
午市尾声到达，食客迫爆，店员话用餐限时1小时，比好多餐厅严。但由于我哋嚟到已近1330，坐下坐下，食客走完一台又一台，再冇限时要求，可任坐。一共点咗3个午餐（$128），包包主菜同罐装饮品，如可乐、梳打水。午餐加$10会有餐汤/沙律配法包，另外亦可额外以优惠价加点各款咖啡/饮品（咖啡细杯~$21，大杯~$26）。咁样点的话，连加一，午餐~$180/人，消费唔低。另外，我哋仲点咗2款分别外卖系$38的甜品，堂食加一。
沙律配法包：沙律ok，冇特别，油醋汁，沙律菜上有少少青苹果片同橙；法包放到硬晒，口感麻麻
水煮蛋伴大啡菇菠菜：要求荷兰汁另上；卖相可以，但食物较普通，始终系屋企煮到的菜式，胜在健康啲。水煮蛋冇蛋味；芝士片的味道亦唔浓；菠菜份量少；唯独系英式松饼的面包质感唔错；整体上，食物原材料的质素唔高
鲜奶咖啡：几欣赏餐厅提供大/细杯的咖啡选择；点咗大Latte，接近300ml；颜色系非常、非常淡的啡色，奶味为主，唔系好饮到咖啡味，都几失望
开心果红桑子慕丝蛋糕：食到有少少开心果味但偏甜，开心果控食到就好难感到满足，不过止下渴都可以；虽然堂食加一，但蛋糕送上嚟时冇任何presentation ，外卖系点，佢就系点
特浓朱古力香橙挞：个挞皮雪到硬晒，唔松化；特浓朱古力有朱古力味但冇flavour同层次；食唔到有香橙味；餐厅的2款甜品质素非常普通，甚至差过一般连锁饼店，因为啲甜品的质感都做得几唔理想
朋友点咗汉堡餐同埋一个有鸡肉的午餐，大家都食晒，因为份量唔大，味道最多只可系不过不失，系一般连锁食店的出品，冇惊喜，但亦唔会好伏；可能地埋位置，唔愁客路，定价偏贵，CP值好低。环境一般，台多，空间感细，午市时段人声嘈杂，但人潮散咗都可以。侍应人手不足，叫到先至有服务，例如：俾水/斟水，似乎一般唔预会俾杯水食客（可能因为包咗可乐？），不过，当叫到侍应时，佢哋一般都好helpful、有礼，但主动性就低。下次有机会喺又一城食嘢，唔会再㨂呢间餐厅。食完今餐，甚至对simplylife仅存的一点美好回忆都冇埋添。。。
张贴
