和牛割烹小田

营业中

休息中

前日系我同女朋友嘅六周年纪念日，有幸识到呢间日本餐馆，我哋嚟呢度庆祝，食佢哋嘅dinner omakase。第一道系和牛配蔬菜，和牛切得啱啱好，好方便我一口食。肉质非常软嫩，咬住有丰富嘅口感。中间食佢嘅蔬菜，会忽然带出清凉嘅感觉。和牛胸肉炖萝卜，炖得啱啱好，萝卜唔会太软，口感仲喺度。和牛亦都炖得好入味，一口落肚鲜嫩多汁，味道好正。海胆和牛寿司，呢个搭配好唔错。外酥内嫩，紫菜配埋入面嘅肉，带出嘅口感真系好正。呢碗饭好香，入面包含咗好多料。软嫩嘅和牛，鲜嫩嘅蘑菇，Q弹嘅鱼籽，配埋佢嘅饭，嘴入面嘅感受超级丰富。和牛配日本蛋，都好好食。浓郁嘅牛肉味俾日本蛋包住，食落去会有意想唔到嘅味道，好唔错。豆腐布丁非常柔软，带住甜甜嘅味道，都系我嘅favourite之一。佢哋嘅冷冻炭烧茄子，非常香。炭烧嘅火候掌握得啱啱好，令茄子嘅口感同味道变得更加美味。生牛肉片处理得非常好，唔会太厚或者太薄。食落去，鲜嫩可口。好愉快嘅晚餐，食得好开心。