影片
更多
2024-02-14
538 浏览
📍Tokio Joe 🍽中环兰桂坊16号地舖-----新年前去咗呢间bookmark想食好耐嘅日式餐厅食咗WEEKEND BRUNCH（$620 Adult；$350 Child (aged 3-11)）呢个BRUNCH喺以半放题形式进行嘅，有部分食物系任食，有部分食物系固定份量嘅。.餐厅环境雅致，服务亦系高级餐厅嘅标准，上菜无漏单，餐厅中央位置可以见到寿司师傅整寿司切刺身，整个用餐体验都对得住价钱。🍴COMPLIMENTARY ITEM：北海道蟹肉伴海胆精致小食每位客人都有一客，蟹肉咸咸鲜鲜，加上幼滑海胆，貌相精致，好食得黎唔会占胃，可以留返多啲空间比后面嘅食物。.🐡SASHIMI：一台一客嘅刺身，望落色彩缤纷令人食指大开。赤身爽滑、吞拿鱼腩鱼油丰腴、北海道带子贝柱肥厚、蛳鱼软滑无筋、甜虾甜味出众，整体都无咩挑剔，质素整体中上。🐟BEST SEASONAL FISH：BURI: WINTER LARGE YELLOWTAIL（每两至三位客人可选一客)餐厅用上今期嘅当造刺身制作料理，我哋就拣选咗𫚕鱼腩刺身，鱼腩位置油脂充足，入口即化即化，加上酸甜嘅酱汁，几开胃。🍲MAIN COURSE
🍽中环兰桂坊16号地舖
-----
新年前去咗呢间bookmark想食好耐嘅日式餐厅食咗WEEKEND BRUNCH（$620 Adult；$350 Child (aged 3-11)）呢个BRUNCH喺以半放题形式进行嘅，有部分食物系任食，有部分食物系固定份量嘅。
.
餐厅环境雅致，服务亦系高级餐厅嘅标准，上菜无漏单，餐厅中央位置可以见到寿司师傅整寿司切刺身，整个用餐体验都对得住价钱。
🍴COMPLIMENTARY ITEM：
北海道蟹肉伴海胆精致小食
每位客人都有一客，蟹肉咸咸鲜鲜，加上幼滑海胆，貌相精致，好食得黎唔会占胃，可以留返多啲空间比后面嘅食物。
.
🐡SASHIMI：
一台一客嘅刺身，望落色彩缤纷令人食指大开。赤身爽滑、吞拿鱼腩鱼油丰腴、北海道带子贝柱肥厚、蛳鱼软滑无筋、甜虾甜味出众，整体都无咩挑剔，质素整体中上。
🐟BEST SEASONAL FISH：
BURI: WINTER LARGE YELLOWTAIL
（每两至三位客人可选一客)
餐厅用上今期嘅当造刺身制作料理，我哋就拣选咗𫚕鱼腩刺身，鱼腩位置油脂充足，入口即化即化，加上酸甜嘅酱汁，几开胃。
🍲MAIN COURSE
（每位选一款）
主菜可以8选1，推荐照烧海鲈鱼扒，海鲈鱼鱼质嫩滑非常，烧过嘅蛋黄酱酱汁香香甜甜，高质。其实试咗另一款主菜鳗鱼饭亦不错，鳗鱼外皮香脆，内里厚嫩多汁，不过有饭，容易占胃。
.
除咗以上嘅食物之外，其他食物都系无限量供应嘅。
.
🥗APPETIZERS
款式主要以沙律同埋刺身为主，个人好中意嘅有麻酱味好突出嘅蟹肉菠菜沙律，同埋香辣吞拿鱼他他，吞拿鱼软滑，加上糅合于当中嘅薄脆，口感好丰富。
🍣SUSHI ROLLS
佢地嘅多款sushi rolls都系店内嘅人气之选，款式好多，碍于肚子空间不多，最后都只系试到3卷，推荐元祖软壳蟹牛油果卷、香辣三文鱼天妇罗吞拿鱼卷，前者嘅牛油果🥑拣选得非常靓，入口香脆幼滑，后者中央位置有天妇罗虾🍤，外层则有鲜甜三文鱼或吞拿鱼，味道好丰富。
🍢GRILLED ITEMS & DEEP FRIED ITEMS
烧物及炸天妇罗同样做得不错。免治鸡肉棒咬落带粒粒软骨口感。日本鸡翼则烧得外脆内你嫩，非常多汁。焗杂菇牛油香气馥郁，口感亦爽脆。天妇罗方面，个人心水之选系索尽油香嘅茄子同香甜蕃薯，整体天妇罗嘅炸皮都够脆够薄，同坊间平价d嘅放题有明显差别。
张贴
