銀座炎蔵燒肉

营业中

休息中

同朋友喺商场打完室内哥尔夫球练习，揾嘢食，商场好多选择，最后拣咗炎藏食和牛烧肉。叫咗沙律，和牛拼盘，牛舌，和牛牛肉拌饭。沙律菜好新鲜，蕃茄好甜。跟住开始烧和牛。特选ささみ和牛笹身：入口即融，有牛肉味ミスジ和牛三筋肉：薄身，好滑しんしん和牛芯芯：瘦啲（朋友喜欢，我就喜欢肥美啲），唔韧，有牛肉味はねした和牛羽下：超腍牛舌最后烧。薄和牛同牛舌唔可以烧太耐，唔系就黐底，我觉得自己烧得好好味，啱啱好。最后食埋个和牛拌饭，有啲泡菜，好惹味，牛肉都唔错。烧薄和牛嘅时候，因为唔系好识掌握火路，块铁板黐咗啲牛肉炭，伙计主动帮我哋换咗块新嘅铁板等我哋继续烧。好好服务👍。下次嚟打波，会再试吓佢哋其他嘢食。