太二老壇子酸菜魚

营业中

休息中

呢间排队人气店长期都好多人！今次特登喺未开门前就去攞飞，所以一开门就好快入得去🤙🏻今次叫咗个一至二人份嘅老坛子酸菜鱼，另外加咗脆豆腐同金针菇。脆豆腐，质感有少少似鱼片，反而冇乜豆腐味。金针菇就唔使讲啦，索哂d味好好食😌讲返酸菜鱼先！ 酸菜同鱼嘅份量都好多，仲有个炸过既鱼头！ 鱼肉都几嫩滑，而且系冇骨🐟 虽然冇得拣辣度，但系就绝对唔会好辣，见到隔篱枱都有小朋友系食到嘅！另外仲叫咗个脆椒小皮蛋同麻辣小酥肉。皮蛋唔系平时见开皮蛋嘅样，好似鹌鹑蛋。虽然有少少辣椒，但系一样唔会好辣！而麻辣小酥肉嘅麻辣粉系另外上，所以都唔使担心食唔到！甜品方面就叫咗个西瓜椰椰冰粉🍉本身以为会有啲红糖汁淋喺面，但系原来系冇汁嘅。有颇多嘅椰子肉同埋少少西瓜粒，个味道几特别，喺香港都未食过。