影片
更多
2024-11-26
877 浏览
刚刚周末同朋友两个人食饭，想揾个地方坐得舒舒服服叹下红酒叹下Iberico, 最后试咗呢间，结论系绝对值得推荐。环境 - 空间感足够，好适合慢慢坐倾吓偈。服务 - serve我果3个staffs都系nice, 尤其是介绍menu果位做得好好食物方面，叫左HK$1388 for 2嘅set, 冇影相，凭记忆评论：餐包 - 微暖松软，配埋自家制有调味嘅牛油，合格以上。Iberico - 嚟呢间餐厅嘅主要原因，绝对冇失望，衬佢其中一支House Red (Rhone Valley，HK$4xx per bottle), 好舒服。Crab Cake - 极多蟹肉，亦都煎得唔错，虽然同Ruth Chris个Crab Cake嘅级数仲有距离，但已经非常出色。Lobster Bisque (+ $88 per person) - 当晚唯一一个觉得失望嘅菜式，佢系偏稀嘅做法，同我平时饮开传统西汤嘅做法唔同，当然有可能系我自己唔钟意啦；同店员表达，佢哋嘅应对都唔错，唔会觉得佢HEA紧你。Lobster Pasta - 个pasta系有少少千层面嘅感觉，龙虾尾好足料，够厚肉，成件事烹调得唔错。Rib Ey
环境 - 空间感足够，好适合慢慢坐倾吓偈。
服务 - serve我果3个staffs都系nice, 尤其是介绍menu果位做得好好
食物方面，叫左HK$1388 for 2嘅set, 冇影相，凭记忆评论：
餐包 - 微暖松软，配埋自家制有调味嘅牛油，合格以上。
Iberico - 嚟呢间餐厅嘅主要原因，绝对冇失望，衬佢其中一支House Red (Rhone Valley，HK$4xx per bottle), 好舒服。
Crab Cake - 极多蟹肉，亦都煎得唔错，虽然同Ruth Chris个Crab Cake嘅级数仲有距离，但已经非常出色。
Lobster Bisque (+ $88 per person) - 当晚唯一一个觉得失望嘅菜式，佢系偏稀嘅做法，同我平时饮开传统西汤嘅做法唔同，当然有可能系我自己唔钟意啦；同店员表达，佢哋嘅应对都唔错，唔会觉得佢HEA紧你。
Lobster Pasta - 个pasta系有少少千层面嘅感觉，龙虾尾好足料，够厚肉，成件事烹调得唔错。
Rib Eye Steak - 扒嘅质素同Chef煎出嚟嘅效果都系好有水准；切好晒一块块咁上，冇记错每人都有4块或以上。
Dessert - 每人加左$68食佢个chocolate cake (cheese cake 系唔洗加钱），朱古力味够香，个cake亦都唔会过甜，唔错。
埋单$23xx, 以一餐饭 坐足四个半钟，环境舒适，有服务，食物水准中上，绝对值得支持。
顺带一提，佢哋wine list嘅价钱非常亲民，好适合食饭必须要叹酒嘅人士。
张贴