Sake Bar CHU CHU

营业中

休息中

近排返工压力有啲大，好想饮酒relax吓，见到公司附近有呢间楼上Sake bar，个环境好似几有Mood咁，就同咗男朋友一齐去饮番几杯🙈喺门面见到呢只猫猫真系好搞笑😂呢度有劲多款酒！仲有专人现场根据口味喜好推荐清酒，即刻平时比较少饮酒同埋有选择困难症嘅人都啱嚟！自己饮咗3杯清酒都觉得唔错，都系我钟意饮嘅味～因为系放工直接去，所以都未食dinner谂住直接喺呢度食埋顺便送酒。串烧款式都几多，质素唔错。大推鸡胸软骨($48)同埋厚切牛舌($78)！刺身4点 $218再额外日本生蚝 $78自制鸡白汤乌冬 $78「自制」两个意好似好有诚意咁，鸡白汤汤底浓郁，有小小似平时拉面果啲汤底但冇咁腻同咸。