麵館皇

营业中

休息中

铜锣湾条街都食得算多，今次就试吓啲地道啲嘅，所以拣咗呢一间面馆皇。佢哋叫餐嘅组合都几自家制，真系可以配唔同嘅拌面汤面再配唔同嘅𩠌，而且面底都可以拣，种类选择都算多。藤椒麻酱拌面配柱候牛腩($75): 面底转咗做刀削面，自己睇住厨房𠮶个细窗口，见到师傅真系用一大旧面团逐片逐片整出嚟，而家喺香港好似比较少见。滕朝麻将前者嘅味道比较出，所以都偏辣辣地嘅，刀削面煮得烟人，都几过到口人。柱候牛腩有青瓜垫底，略嫌牛腩有少少细旧。药膳自家制米粉配香酥炸鸡扒($75): 叫左一啲完全唔同嘅嘢，药膳再配自家制米粉，米粉比出边食开嘅福字米粉厚身，而且较烟靭，药膳汤底药膳味不太突出。本身满心期待嘅香酥炸鸡扒上菜嘅时候变咗炸鸡件，同样都系有青瓜垫底。好彩炸鸡件都系新鲜即炸，而且都好入味，有补救返。额外叫多咗呢个太子鸡翼五只($36)纯粹见到隔篱枱食觉得好靓仔，真系完全做到酥炸嘅感觉，如果钟意食炸嘢嘅朋友一定唔可以错过，食落去仲有肉汁标出来新鲜热辣辣!总结：我谂呢一度嘅选择，真系可以自己diy拣钟意食嘅嘢，下次可以再试吓唔同嘅配搭。呢一款港式捞面其实都几新鲜。