小曼谷海鮮燒烤屋

营业中

休息中

今日同friend去九龍城食泰國野，黎左呢間小曼谷。一坐低店員就比左幾個餐牌我地，原來有分所有菜式嘅餐牌同埋推介菜式餐牌。首先我地叫左兩杯野飲，一杯係椰青波波，一杯係椰皇沙冰。椰青波波係同椰青一樣味，不過就係起左出黎嘅椰青，都有少少酸酸地咁。椰皇沙冰就比較重椰子味，同埋冇椰青嘅酸味，都幾特別，很好飲。主食方面，我地全部都係叫推介menu入面嘅菜式。首先叫左一個泰式炒金邊粉，金邊粉好香好惹味，亦有酸酸甜甜嘅味，好開胃，入面仲有幾隻蝦，雖然望落唔係好特別，但係好好味。我地仲叫左原隻燒魷筒釀糯米飯。呢個菜式好特別，仲配有酸酸地嘅醬汁，可以點少少一齊食。不過魷魚比較煙韌，口感都幾特別。最後我地叫左一個極上燒安格斯西冷牛小排。牛燒得好好，賣相非常吸引，牛唔會全熟，香得黎肉汁都好夠，十分滋味，而且份量都唔少。兩個人食咁嘅分量已經好足夠喇，呢到店員態度都好好。