Alva House

营业中

休息中

公司部门年终聚餐，由于超过13人，所以我哋一行18人预先要做定快测，出示相片方可入座。虽然生蚝有啲奀，不过好鲜味。午餐buffet有生蚝食算系咁，即开同冲水10秒确保卫生。海鲜有龙虾拑、熟海虾、青口、蚬。烧牛肉好嫩，生熟程度啱啱好。羊有可接受嘅羊膻味，肉质好嫩。刺身方面我拣咗三文鱼、希灵鱼同鲷鱼，当中鲷鱼有阵罨味，另外两款鱼算新鲜。咖哩有我至爱印度簿片，配咖哩杂菜同牛腩都唔错。甜品种类繁多，目测至少有20款，当中有个榴连馅包，外皮偏硬，外面一边系朱古力，味道古怪。猪脚姜啲蛋劲淡色，唔入味所以我无拣，但猪手好够淋，可以吸收下骨胶原。整体来说属一般。