翠林辣蟹舫

平时好少系街食蟹，食嘅话都系蒸蟹、打边炉多，口味重啲少试今次就试下避风塘炒蟹，好似系真系几乎系第一次系街食避风𡐓炒蟹😂先讲吓环境，呢度系中式酒楼感觉嘅格局，位置几多，有卡位同圆枱，最多可以 6个人一枱，而且最夜可以去到12点～同朋友倾计想倾耐啲都得避风糖炒蟹 呢到嘅避风塘炒蟹系用咗「越南肉蟹」，最过瘾系有只「大蟹钳」，本身已经敲碎咗少少，我哋劲易起到一大旧肉，食落肉质都几爽口，点返啲炸蒜食都唔错，摆盘一嚟到真系霸气十足，超级多炸蒜，影相前大家都被炸蒜吸引咗夹咗啖嚟食。炸蒜超松脆，而且跟咗姐姐推介话「中辣」系最好食，所以叫咗中辣，的确好惹味而且镬气十足。黄金虾球超级松脆嘅黄金虾球表面加咗黄金䶢蛋碎，咸香配大大只虾球口感丰富。