影片
更多
2021-12-10
207 浏览
同朋友两个人嚟食晚餐，叫咗全份嘅炸鸡、年糕汤、同埋两杯饮品。铺头环境舒适，适合放工嚟放松下，同朋友倾下计！晚市就记得要早少少嚟，去到七点左右就开始要等位架喇！蜂蜜牛油香蒜脆鸡（全份）（$208）🍯🧈🧄🍗非常值得比五星嘅炸鸡！牛油同蒜味好香，面头已经见到有大大粒嘅蒜粒。热辣辣嘅炸鸡食落非常脆，牛油蒜香加上蜂蜜真系最邪恶😈最吸引嘅组合，而且同朋友每人食咗本碟之后都唔太觉滞。鸡皮炸完之后唔会太肥，而鸡肉亦都非常嫩！韩式饺子年糕汤（$118）🥣因为想食返啲冇咁热气嘅嘢就叫咗年糕汤，但始终唔系餐厅主打嘅食物所以的确冇炸鸡咁有惊喜。饺子偏冧，好容易就散，不过饺子皮唔厚，馅料亦足。而年糕都煮得岩岩好，有咬口，不过汤嘅调味就一般，整体嚟讲不过不失。Honey Yuja Tea （$38）🍹冇乜特别嘅柚子茶，味道有啲似系平时自己冲出来嘅柚子茶，不过胜在够大杯，啱晒用嚟送炸鸡。Strawberry yoghurt Smoothie ($58)🥤好滑嘅smoothie，乳酪同士多啤梨嘅味道好夹！份量亦好多，一个人饮嘅话会觉得有少少饱🙈 唯一可惜就系面头嘅沙冰好快溶晒🥲 要影相就趁早影跟住快啲食几啖先！总括嚟
同朋友两个人嚟食晚餐，叫咗全份嘅炸鸡、年糕汤、同埋两杯饮品。铺头环境舒适，适合放工嚟放松下，同朋友倾下计！
晚市就记得要早少少嚟，去到七点左右就开始要等位架喇！
蜂蜜牛油香蒜脆鸡
$205
10 浏览
0 赞好
0 留言
蜂蜜牛油香蒜脆鸡（全份）（$208）🍯🧈🧄🍗
非常值得比五星嘅炸鸡！牛油同蒜味好香，面头已经见到有大大粒嘅蒜粒。热辣辣嘅炸鸡食落非常脆，牛油蒜香加上蜂蜜真系最邪恶😈最吸引嘅组合，而且同朋友每人食咗本碟之后都唔太觉滞。鸡皮炸完之后唔会太肥，而鸡肉亦都非常嫩！
韩式饺子年糕汤
$118
18 浏览
0 赞好
0 留言
韩式饺子年糕汤（$118）🥣
因为想食返啲冇咁热气嘅嘢就叫咗年糕汤，但始终唔系餐厅主打嘅食物所以的确冇炸鸡咁有惊喜。饺子偏冧，好容易就散，不过饺子皮唔厚，馅料亦足。而年糕都煮得岩岩好，有咬口，不过汤嘅调味就一般，整体嚟讲不过不失。
Honey Yuja Tea
$38
9 浏览
0 赞好
0 留言
Honey Yuja Tea （$38）🍹
冇乜特别嘅柚子茶，味道有啲似系平时自己冲出来嘅柚子茶，不过胜在够大杯，啱晒用嚟送炸鸡。
Strawberry Yoghurt Smoothie
$58
5 浏览
0 赞好
0 留言
好滑嘅smoothie，乳酪同士多啤梨嘅味道好夹！份量亦好多，一个人饮嘅话会觉得有少少饱🙈 唯一可惜就系面头嘅沙冰好快溶晒🥲 要影相就趁早影跟住快啲食几啖先！
总括嚟讲系非常值得嚟食炸鸡嘅铺头，炸鸡嘅质素真系好高！价钱喺铜锣湾晚市嚟讲算系中等。两个人食嘅话其实就咁叫全份炸鸡已经差唔多饱，所以只食炸鸡嘅话价钱系ok的！店员服务如果可以更加友善就好喇，不过都可以接受嘅！
张贴
