影片
更多
2015-04-11
2865 浏览
成日话人大乡里，即喺未见过世面，其实我依等都喺港灿大乡里，晌香港好多地方都未去过，所以，又趁公众假，同几个朋友走咗入南生围行吓，因为依家有西铁，我哋入新界西超方便，仲顺道逛埋锦上路跳蚤市场。游完南生围，再步行走入元朗市中心食晚饭。一早已有目标，喺晌早前杂志见过嘅一间新潮嘅韩国餐厅「119 Korea Station」。哗，撞鬼吖，我哋5:45到达，已见人排晒队，好彩人龙都未算长，等多一阵已开始派筹，6:00就安排入座，一切都颇快颇顺利。除近门口喺一列卡位外，里面仲有适合唔同人数嘅圆枱，方枱及小量8人椭圆形长枱。不过，如果唔介意搭枱嘅话，会有机会快啲入座，就好似当晚见到两组三人行，搭枱坐埋一张8人枱咁。店名带有119字样，喺紧急电话之意，所以，除见到水泥地、电油桶櫈等韩流装潢之外，仲有一啲消防喉、防火衫、斧头等等救急装置，以配合店名之意。先嚟饮品，见枱枱都点嘅Cider Rita（$38），够豪气，我哋都要试吓，仲点齐3款（桑莓、丰梨、柚子）。不过，讲真，樽Cider晌杯口「瑯瑯吓」，感觉有啲「牙烟」，成日都惊撞跌打泻，但又奇，成晚都无见人出过事，可能大家越惊越小心。味道喺点？支汽水有少
游完南生围，再步行走入元朗市中心食晚饭。一早已有目标，喺晌早前杂志见过嘅一间新潮嘅韩国餐厅「119 Korea Station」。哗，撞鬼吖，我哋5:45到达，已见人排晒队，好彩人龙都未算长，等多一阵已开始派筹，6:00就安排入座，一切都颇快颇顺利。
除近门口喺一列卡位外，里面仲有适合唔同人数嘅圆枱，方枱及小量8人椭圆形长枱。不过，如果唔介意搭枱嘅话，会有机会快啲入座，就好似当晚见到两组三人行，搭枱坐埋一张8人枱咁。
店名带有119字样，喺紧急电话之意，所以，除见到水泥地、电油桶櫈等韩流装潢之外，仲有一啲消防喉、防火衫、斧头等等救急装置，以配合店名之意。
先嚟饮品，见枱枱都点嘅Cider Rita（$38），够豪气，我哋都要试吓，仲点齐3款（桑莓、丰梨、柚子）。不过，讲真，樽Cider晌杯口「瑯瑯吓」，感觉有啲「牙烟」，成日都惊撞跌打泻，但又奇，成晚都无见人出过事，可能大家越惊越小心。味道喺点？支汽水有少少似柠七味，全无酒精成份，再沟少少桑莓浆 / 丰梨汁 / 柚子蜜，带点甜，但因份量唔多，饮到尾就变成斋柠七。另外仲有一款叫Dry B Rita（$48），就将Cider以啤酒代替，钟意饮吓啤酒嘅人就不妨试吓。
Cider Rita
$38
73 浏览
0 赞好
0 留言
老婆就一向比我讲健康，所以，佢只要一罐韩国原粒提子汁（$19），个样好面善，咪就喺之前晌荃湾BBQ Military试过。原粒提子汁罐布有少少果肉，感觉天然，味道清爽。
韩国原粒提子汁
$19
77 浏览
0 赞好
0 留言
枱上已放有筷子、匙羹及铰剪，有多份刀叉就更好喇，后尾发觉，好似个水冷丰梨，有刀叉就好切啲。
队长沙律 $58个沙律除咗有沙律菜、车厘茄、烚蛋，仲有唔少蓝莓，个汁酱紫紫红红色，睇落就唔喺咁好睇，不过，味道几清爽，带种甜甜酸酸嘅味道，事后问番店员喺个咩汁嚟，原来用咗鲜蓝莓打汁，再沟红酒醋做，又几特别㖞。
队长沙律
$58
81 浏览
0 赞好
0 留言
冷盘中，以依个水冷丰梨感觉最特别，外观亦做得的骰别致，原个丰梨冷冻去皮，淋上糖浆后再卷一片巴马火腿上顶。将丰梨切开，你会见到啲糖浆已渗入梨肉中，梨肉质感实净，充满蜜糖味，一口过火腿连梨肉一齐食，咸咸甜甜又几过瘾，嫌未够甜蜜，其实碗底仲有好多糖浆。不过，依道菜唔喺人人喜欢，好似有朋友就觉得无咩特别，糖浆丰梨而已。
水冷丰梨巴马火腿
$58
64 浏览
0 赞好
0 留言
水冷丰梨巴马火腿
$58
91 浏览
0 赞好
0 留言
一般韩国菜馆餐前都会提供唔少免费冷盘小碟，如芽菜、泡菜，不过119就无依支歌仔，想食泡菜就要点一客「私制泡菜」，泡菜以一个迷你「米缸」盛载，有特色。色泽鲜红，辣度强劲辛香，口感爽脆，真喺落足功夫，朋友都好欣赏佢啲泡菜。
私制泡菜
$28
84 浏览
0 赞好
0 留言
西餐有白酒煮蚬，日本菜有清酒煮蚬，嚟到韩国菜，真露煮蚬又何妨。首先，蚬只够大，肉厚肥大，入口鲜甜而带淡淡酒味，再者，吐晒沙，非常好食；至于个「汤底」亦都唔好错过，因为清甜富酒香，酒精度唔高，易入口，所以，喺我哋大家一致嘅推介。
真露煮蚬
$68
65 浏览
0 赞好
0 留言
平时晌家中都有买啲鲭鱼斋煎，不过，今次尝到嘅鲭鱼就比较大条，煎得皮带点脆，肉质方面又唔算得好嫩滑，但亦都唔差。因为条鱼已经调过味，净食啱啱好，想清新少少可以唧点柠檬汁，相反，再沾碟边嘅韩国面豉酱就觉得有啲过咸嘞。
烧济洲鲭鱼
$88
172 浏览
0 赞好
0 留言
「铁铲」真喺名副其实，成个盛器就喺铁铲咁形，犹如铁板烧。我哋要嘅喺半份份量，个铁铲芝梨炸鸡除有韩式炸鸡外，垫底有蕃薯蓉，一盆芝士白汁，再喷上一大抹忌廉，喺咪睇见都流口水呢？炸鸡做得脆嫩，再蘸满芝士白汁，沾一小撮忌廉，真喺「芝」味享受，而底下嘅蕃薯蓉亦都好食，既甜且粉，值得推介。
铁铲芝梨炸鸡（半份）
$128
113 浏览
0 赞好
0 留言
铁铲芝士排骨 $128（半份） / $198（全份）同样要半份就够喇，有别上面个炸鸡，铁铲芝士排骨啲芝士喺「生」嘅，送到上枱时盆底喺清晰可见一粒粒车打及莫沙里拉芝士碎，要开炉热溶啲芝士，再卷住啲排骨食，一于热住食。
铁铲芝士排骨（半份）
$128
144 浏览
0 赞好
0 留言
虽然今餐平均消费要$190，其实，我哋点多咗少少嘢，铁铲系列可以要一个都够晒，而Cider Rita亦可两个女生共享一杯，因为一杯份量真喺颇大，一个女生未必饮得晒一杯，故此，一般嚟讲，应该$150一个人可以落楼。我哋嚟得早，亦食得唔耐，所以离开时都喺7:30pm未够，仲喺晚饭高峰时段，故仍见门口成堆人晌度等位，真喺估唔到间嘢咁旺场。 因为上菜快，啲人又食得快，所以翻枱都几快，就算等位估计唔会太耐!
张贴
