癡膠雞 (軒尼詩道)

营业中

休息中

星期六上午11点零嚟到，成为第一枱客人。一行四人点左3个米线1个小食。我睇食评D相，明明米线锅会跟炉上，但唔知由几时开始，而家无再跟炉，改用呢D胶碗🤔招牌花胶鸡米线$68我最先试呢个汤底，饮落好舒服，完全唔觉得咸之余，仲有鸡味，成个汤饮哂都唔会觉得好大负担。😏鸡件份量几多，而且好好彩比左鸡髀位，肉质几嫩；花胶有四小件，弹牙但无乜胶质，胜在唔腥。米线煮到啱啱好，无过淋。椰子鸡米线$60第二款试椰子汤，几浓椰子味、少少甜，饮落明显比招牌咸。胡椒猪肚鸡米线$60由于食野之前我个人好冻，手脚冰冷，所以特登点胡椒汤暖一暖。三碗面中呢碗最热，胡椒闻落几香，不过饮落唔够辣，而且最咸系佢，有少少失望。😐配料猪肚洗得干净、无异味，食落弹牙。金砖豆腐$42味道正常，上粉后炸，外脆内嫩滑，似百福/山水滑豆腐嘅味道。不过价钱略贵，成本唔高，但价钱几乎等于主食，性价比唔高🙈。小店除现金外，仲支持电子付款方式。