大巴黎餐廳 (已結業)

第一次去呢间餐厅食野.系楼下见到个MENU有泰式野食.所以试一试,一入去个环境都唔错,我同朋友一齐拣左梳化位坐,都几舒服!之后我地叫左2个是日晚餐,一个芝士焗肉酱茄子意粉同一个铁板猪扒拼馒鱼.仲另外叫左一个泰式虾球金边粉。先黎一个杂菜汤,饮落辣辣地,但几好饮!D汤唔会好淡。之后食左个芝士焗肉酱茄子意粉先,第一次食有茄子既肉酱意粉,以为会好奇怪,点知原来系咁好味,有惊喜! 佢D意粉都几好味,我觉得好香!推介!再黎就食左铁板猪扒拼馒鱼,D猪扒都唔错,啖啖都系肉,但黑椒汁可以再加多D。最后我觉得最值得推介既就系呢个泰式虾球金边粉,佢一食落口有D辣,而且香料味重,虾球都几大只同新鲜!我本人唔食得辣,但都觉得愈食愈好味!值得推介!价钱方面都唔贵,可以接受!其实呢间餐厅D野唔难食呀,冇其他食评写得咁差。我会再去!但呢间餐厅D侍应生唔系咁好,好似好呆滞咁,.唯一好D既应该系年纪大D个位侍应。我建议佢换一批新既侍应。