个園竹語

营业中

休息中

父亲节饭局，按老豆喜好拣左呢间新开既上海菜黎试。装修环境唔错，好舒适，不过因为订位𠮶阵没特别request，所以没安排房，有啲美中不足。5个人都试左唔少野，续一讲。首先系头盘，我几钟意佢既黑松露熏溏心蛋，松露味超出，中间蛋黄刚刚好，好流心，nice😋仲叫左蜜汁烧白鳝，虽然唔弹牙，质感系稔滑，味道都唔错～主菜就试左龙井野生河虾仁，几鲜甜爽口，但就比较细只。另外慢烧烟熏脆皮鸡都唔错，皮脆，肉质系比较扎实，但系就偏肥，瘦啲会更好。之后有石锅竹笙蟹粉嫩豆腐，可能蟹粉唔当季，没咩蟹味，但调味系ok 既。最后就叫左几个主食，荠菜肉丝炒年糕就不过不失啦。铁板上的小笼包就唔错，肉汁好多，味道唔错，𠮶底煎得几脆，好过我之前食既餐厅。同埋五年陈皮牛肉饼都好味，牛肉味浓，𠮶饼皮都做得唔错。甜品试左脆炸马蹄糕，似天妇罗马蹄糕，脆脆地，唔太甜，都几得意。最后有香滑流沙包，都做得唔错，包软绵绵，馅够流心。