影片
更多
2022-05-09
1571 浏览
因为疫情关系，好耐都冇得出嚟食饭喇，今日终于可以同我个酒肉朋友聚一聚。 嚟到梗系嗌番两杯Sangria ($73@)，饮落冇乜酒味，饮到最底先至叫做饮到少少酒。 之后为咗送吓酒慢慢倾偈，嗌咗个Jamon Teruel 50g ($93)，普普通通，份量都几多，感觉唔算好咸。 仲有Payoyo Cheese ($75)，个侍应同我哋讲话呢一只cheese比较strong，但系其实我觉得好一般，唔系话唔好食，但唔系重芝士味，反而佢个酱我觉得几特别。 当然啦，我哋唔可以全部都系食前菜轻食，结果我哋嗌咗Ham Croquette ($18@)。佢哋一粒粒计，我觉得好搞笑。热辣辣上枱㗎，感觉正宗。 Black Paella Rice ($198)，啲料好多，我食到唔停得口，食到啲牙黑晒都冇理过仪容。不过食到最尾都会觉得有啲腻。 由于keep住饮酒，我哋冇停过嗌芝士，12 months cured Manchego Cheese ($75)，其实呢只芝士同之前𠮶只我真系食唔到有咩分别，不过佢啲芝士都唔算贵。 我哋都饮咗前后每人两杯红酒🍷，Izard Crianza ($110@)同La
嚟到梗系嗌番两杯Sangria ($73@)，饮落冇乜酒味，饮到最底先至叫做饮到少少酒。
之后为咗送吓酒慢慢倾偈，嗌咗个Jamon Teruel 50g ($93)，普普通通，份量都几多，感觉唔算好咸。
仲有Payoyo Cheese ($75)，个侍应同我哋讲话呢一只cheese比较strong，但系其实我觉得好一般，唔系话唔好食，但唔系重芝士味，反而佢个酱我觉得几特别。
当然啦，我哋唔可以全部都系食前菜轻食，结果我哋嗌咗Ham Croquette ($18@)。佢哋一粒粒计，我觉得好搞笑。热辣辣上枱㗎，感觉正宗。
Black Paella Rice ($198)，啲料好多，我食到唔停得口，食到啲牙黑晒都冇理过仪容。不过食到最尾都会觉得有啲腻。
由于keep住饮酒，我哋冇停过嗌芝士，12 months cured Manchego Cheese ($75)，其实呢只芝士同之前𠮶只我真系食唔到有咩分别，不过佢啲芝士都唔算贵。
我哋都饮咗前后每人两杯红酒🍷，Izard Crianza ($110@)同Laya ($95@)。
最后我哋每人嗌咗一杯生啤Estrella Galicia 结尾($42@)，不过睇返张单，我依家先知道佢哋冇收我钱。
全单盛谓$955，冇收啤酒钱。
呢间嘢可以encore，因为佢哋啲小食唔贵，环境都几好。
题外话：佢哋帮我斟第二杯红酒嘅时候，因为斟咗少少佢哋支酒唔够，于是乎佢哋返转头再斟嘅时候，斟咗落我第一杯未饮完嘅红酒里面，有啲唔小心，不过我冇出声。
张贴
