海港燒鵝海鮮酒家 (已結業)

三点几打电话去订位,点知已经full咗,叫我哋walkin。好彩得闲,六点半上到去都无咩人。见到人哋叫龙趸两味都几靓仔,跟佢叫~龙趸两味:原本个名唔记得,返正一个清蒸,一个油泡再炒球清蒸𠮶个有啲过火,油泡𠮶个,啲豆有小小多油。不过都唔太觉。胜在份量够多,$198抵食!另外叫咗烧鹅皇例牌 :皮脆肉嫩, 肥廋适中,连个烧鹅汁都好味蒜蓉蒸蛏子:正常嘢~$22只,最少叫两只,叫咗两只,咁知得一只,叫个伙计嚟理论下,见啲伙计欲言又止都几好笑,不过最后都补返,算数~ 鲜蟹肉脆茄子,佢将个茄子炸咗,再淋上用蟹肉煮嘅玻璃茨, 唔算多油依个几好食。4个人埋单四百几,都几抵食!不过食完就起多人等位了。