GYU TOWN 牛舌專門店

营业中

休息中

系深水埗揾食，见依间几有特色专食牛舌。六点半前入座，都已经满八成客。坐底左一阵出面已经有三四组客人排紧。因为睇食评好坏参半🙈，眼见唔系个个都叫铁板，所以我地都叫啲平平地试吓先，叫左一个牛舌筋饭同一个牛舌乌冬。试到两款唔同嘅牛舌。平时食开牛舌都系一块块，丼饭上嘅牛舌筋系一粒粒嘅，食落唔系平时食开果种嘅牛舌口感，系好淋身同软滑，但都有种牛舌嘅味道，配埋温泉蛋同珍珠米，口感极佳乌冬上枱，铺面都系青葱同紫菜，完全见唔到面同牛舌🤣，夹起嘅牛舌就似平时食开果种质感，厚实但唔会话难咬开。乌冬加青葱再加个汤底都好入味，但份量就少左啲。我地食嘅两款牛舌都各有特色都好好食，睇食评有啲话好难咬开唔知系咪因为铁板上反而熟过龙？🤔总的一致性价比觉得高，但如果系铁板上个期望就唔同架啦。仲要唔收加一！不过餐厅就唔提供水，隔离枱想要杯水 侍应话冇提供。