元祖沾麵專門店

营业中

休息中

下午三点几，响尖沙咀行行下有啲肚饿，想揾个下午茶食下，见到呢个时间呢间竟然有人派传单，见位叔叔咁落力，就即管帮衬下。虽然已经三点几，呢度依然食紧午市特价套餐，款式选择都算多，不过比较大路。价钱唔算贵，加十蚊有汤和饮品，可以接受。看餐厅名字，呢度招牌菜应该系沾面，不过我冇试，反而拣咗日式咖哩猪扒丼，因为睇相真系几大份 😆而实际上都唔算细，至于味道，就算一般的日式套餐，唔会差，又冇乜特别，间唔中食下都可以。呢度环境有少少窄，不过奇怪嘅系，非常多人，我食到下午四点几，依然不断有人帮衬，难道依家兴下午茶食大碗饭~ 😅