添好運點心專門店

营业中

休息中

今日放假，忽然好想食佢个叉烧包，于是就专登揸车由荃湾入去深水埗啦，到左之后大约等左10张枱左右就有位啦！坐低左就立即划点心啦，都系例牌点果几样野啦，寻找返果种味道。首先黎系酥皮焗叉烧包，味道依旧无变，脆脆嘅外皮咬落去完全感觉到系新鲜焗出黎，里面多汁嘅叉烧，完全系一个完美配搭，好味。跟住系古法糯米鸡，今次我地无食蒸饭而改食糯米鸡，主要系想试下其他野，糯米鸡里面都好足料，有鸡，猪肉，腊肠等，都几好味。香煎萝卜糕，你会食到一条条嘅萝卜丝，有d虾米，师傅都煎到好香，还可以。跟住最后就系凤爪同埋虾饺啦，凤爪嘅份量就较少，但系都几入味。而虾饺都无咩特别，足料啦。会再黎帮衬，食佢个叉烧包。