十二味 (赫德道)

营业中

休息中

话说琴日同个朋友食早餐，话夜晚带我去食好好味既酸菜鱼，好似好神秘咁。我地四条友叫左干煸肥肠，武隆尖椒鸡，酸辣土豆丝，人见人爱酸菜鱼（配寛粉），红糖糍粑。菠萝汁好味，唔会太酸同太甜。干煸肥肠食落好脆同埋太过脆身，本人唔太钟意太干。肥肠好入味够辣。武隆尖椒鸡酸酸辣辣好惹味，非常送饭。酸辣土豆丝入口清爽，辛辣中带点微酸，非常开胃。黎到重头戏，酸菜鱼，只有辣度拣，无酸度拣既酸菜鱼，个酸菜鱼真心吾错，酸度岩岩好，鱼肉无腥味，好滑，d汤饮落仲好鲜甜，寛粉够粗而且烟靭。最后食番个糍粑甜品，因为秒清所以无影到相，外皮非常松脆，里面Q软，配埋红糖超正。整体黎讲小菜款式比麻X风云少，但酸菜鱼同糍粑真心唔错。