高佬明食店

营业中

休息中

朋友介绍黎试下，叫左黄酒鸡(半只)，鸡煲都OK，虽然一开头汤底同黄酒味比较淡，不过食左阵收干少少水后都食得出黄洒甜味。但配料相当唔得，牛肉片同猪肉片唔知用苏打粉定乜鬼腌到过哂头，两样除左颜色唔同之外，口感都系滑同爽而完全冇肉味，如果瞇埋眼食真系分唔到乜肉。水鱿鱼又系完全冇味，好似食胶咁。反而叫豆卜粉面果Ｄ仲好，都叫吸到d汤底。另外系唔俾茶水，有d逼人叫野饮既感觉。总括黎讲亦唔算平，再去机会应该就唔大。