形 (海天晉滙)

营业中

休息中

行完将军澳海旁，咁就去附近揾吓有啲咩高质嘅好餐厅。依间 形 Katachi Bar & Kushiyaki 环境装修好靓，而且会有鸡煲或者烤鱼。我首先叫左佢哋嘅「秘制手撕鸡」，鸡肉鲜嫩多汁，麻麻辣辣再加埋大量嘅青瓜丝，带出丰富嘅口味。接著嚟紧系「自家制黄金万両」，炸云吞皮包裹住鲜美充满弹性嘅馅料同鲜虾，绝对系一款令人回味无穷。唔好错过嘅仲有「烧翠玉瓜」，翠绿嘅瓜皮保留住清脆口感，配合上香浓嘅酱汁，带出瓜嘅甜味同滋味。今次我哋叫嘅主食系「泰式冬阴功烤鱼」，钳鱼嘅鱼肉好多，新鲜嘅鱼肉淋上酸辣开胃嘅泰式汤底，超级好食。最后，清新嘅「青瓜梳打」为整餐增添咗一丝清爽嘅口感，清淡开胃。