酒津

营业中

休息中

屋企人同我都好中意日本野,呢間日本餐廳冇令我地失望。成日食日本野但呢間好有特色,叫左我既至愛--蟹甲羅燒,配左多士食。呢間野連燒爐都咁賞心悅目。多士好脆,同濃濃既蟹膏味非常夾。松葉蟹牛油果軟殼蟹卷物都好正,有滑嫩鮮甜既松葉蟹蟹肉,有牛油果綿密既質地同淡淡既香氣,仲有軟殼蟹脆脆既口感,真係驚為天人。另外叫左日本海膽,佢有奶油般既口感、入口即化,有絲滑既感覺,又帶有輕微既甜味,散發左海洋既香氣。鵝肝多士:鵝肝濃烈既味道係嘴裡融化,而烤過既多士外脆內軟,增加左口感。油甘魚鮫煮熟後好柔軟、魚肚既口感特別滑順,肉質細膩。漬煮鮑魚經過漬煮後，味道更加鮮甜，鮑魚既鮮美充分釋放。同埋質地好柔軟,醬汁中有咸味亦有甜味,好有層次感。日本新鮮空運既魚炊飯,有原條既魚,帶有炭火既香氣,魚肉細緻,非常鮮美,係伴飯既良物。