影片
更多
2016-05-21
4039 浏览
事隔年半再次造访，皆因知道其用料精，做菜用心，菜式有惊喜，所以，是夜与几位食友共享美味，品味人生，更大谈饮食轶事、趣闻，好不愉快嘅一晚 。环境方面，跟上次嚟都无大变，一室黑与白，小巧水晶灯，富情调，气氛浪漫，枱椅安排阔落，予人宁静安舒，同门口旧唐楼嘅格局简直喺南辕北辙。依度无攞酒牌，所以唔卖酒，但欢迎大家携酒畅饮，免开瓶费。故此，食友带嚟香槟、白酒、红酒同享，自问并非好酒之人，但浅酌无妨 。店家主打为8道菜嘅套餐，由前菜、餐汤、第一就小主菜及甜品每类别都有两款选择，而第二道大主菜则5拣1，连埋面包篮、雪葩及花茶共8道，定价亦由所拣嘅大主菜而定（$660-$698），无加一，但今晚招呼我哋嘅Ivan服务极好。只做套餐，除有效控制成本外，更可以保持质素 。事前订位亦已收到店方whatsapp菜牌嚟，可以事先同佢哋讲拣咩主菜，亦可以到时才落单又得。面包篮盛上喺一般嘅百吉包，但精彩之处喺啲酱，分别喺香草茄子酱、香草牛油及柠檬油醋。茄子酱加入香料做成，颇有印度风味；香草牛油好柔滑，当然相比其他两款酱就显得平淡少；柠檬醋酸香细致，唔呛喉，却富柠檬香 。前菜有两款选择，上次食过就知，佢哋做菜
环境方面，跟上次嚟都无大变，一室黑与白，小巧水晶灯，富情调，气氛浪漫，枱椅安排阔落，予人宁静安舒，同门口旧唐楼嘅格局简直喺南辕北辙。
依度无攞酒牌，所以唔卖酒，但欢迎大家携酒畅饮，免开瓶费。故此，食友带嚟香槟、白酒、红酒同享，自问并非好酒之人，但浅酌无妨 。
店家主打为8道菜嘅套餐，由前菜、餐汤、第一就小主菜及甜品每类别都有两款选择，而第二道大主菜则5拣1，连埋面包篮、雪葩及花茶共8道，定价亦由所拣嘅大主菜而定（$660-$698），无加一，但今晚招呼我哋嘅Ivan服务极好。只做套餐，除有效控制成本外，更可以保持质素 。事前订位亦已收到店方whatsapp菜牌嚟，可以事先同佢哋讲拣咩主菜，亦可以到时才落单又得。
面包篮盛上喺一般嘅百吉包，但精彩之处喺啲酱，分别喺香草茄子酱、香草牛油及柠檬油醋。茄子酱加入香料做成，颇有印度风味；香草牛油好柔滑，当然相比其他两款酱就显得平淡少；柠檬醋酸香细致，唔呛喉，却富柠檬香 。
前菜有两款选择，上次食过就知，佢哋做菜嘅卖相好睇精致唔在讲，用料配搭都见心思。所以，无论你拣边一款前菜，都要慢慢细味当中厨师嘅心血。
柚子柠檬汁腌纽西兰蓝青口肉及吞拿鱼伴柚子沙律 一客就有3件之多，前菜而言都唔少，友人醒我一件喺试试，底层喺轻煎过嘅吞拿鱼，再上喺以柚子柠汁腌过嘅蓝青口肉，放上面仲有三文鱼籽，拼上少少沙律菜及翡翠苗，一啖过放晒入口，除味道纷陈外，吞拿鱼嘅半生熟、蓝青口嘅咸鲜，都令依道前菜变得有个性 。
西班牙肉肠苹果乳酪千层酥伴苹果脆片及富士苹果蓉 若非啲伴碟，真喺似甜品多过前菜。千层酥内夹有西班牙肉肠、苹果乳酪，咸、酸有序，又带点微辣，实在有趣，千层酥又焗得香脆；除面层嘅苹果脆片，底下仲有啲苹果蓉，清甜好食。
餐汤同样喺2拣1，众友觉得个洋薏米忌廉浓汤好特别，笃定以此为选，小弟就牺牲吓，点个龙虾汤，等大家都可以两款汤品都试到。
法式龙虾汤 唔使多介绍依一款经典嘅法式餐汤，深沉而橙红嘅汤色，呷一口，口感丝滑，虾味浓郁而带点甘，印象中比起上次嚟饮嘅都无失准；而且，对比起上次，仲配上大大件嘅龙虾肉，不过，若然啲忌廉拉啲花就连卖相都攞满分。
意大利风干牛肉，洋薏米忌廉浓汤 个名就已经够特别，原来件风干牛肉主要用晌伴碟之上，听友人讲伴点汤食，效果会好得意；至于个汤，打得柔滑，汤内有些少洋薏米，入口烟烟韧韧，整体味道不俗。
轮到第一道小主菜（Entrèe），鹅肝似乎喺众多人嘅心水，不过，若然你唔喺轻易讲出胆固醇万岁嘅人，海鲜脆卷不失喺个好选择。
香煎法国鹅肝伴三式杏甫及法国牛油包 睇见件鹅肝嘅件头，以及厚度，就知厨师几够松手，再者，煎得外脆内嫩，整富油香；上层加上杏甫莎莎，下层喺烘得脆脆嘅法包，三者一齐放入口，当中所产生嘅化学作用，真喺妙不可言。伴碟嘅杏甫啫喱，清爽甜蜜，为此道小主菜加添不平凡 。
香煎法国鹅肝伴三式杏甫及法国牛油包
42 浏览
2 赞好
0 留言
焗海鲜脆卷外型犹如巨型炸春卷，外皮松脆都不得了，入口又唔油，卷内有好多海鲜馅料，如虾、墨鱼、带子粒、蚬肉……等等，沾一点柠檬牛油汁，少少柠檬清香更添美味，唯一挑剔喺头尾两尾收口做得厚咗，影响咗少少个脆口感。
蕃石榴雪葩 上次嚟都喺蕃石榴雪葩作间场，由于两份第一道小主菜都属味浓之物，为迎接稍后嘅第二道大主菜，一小球蕃石榴雪葩嚟清清味蕾就最好不过。雪葩蕃石榴味好突出，入口凉快，乜浓腻都去走晒 。
卒之去到第二道主菜，餐牌共有5款选择，有海鲜、有鱼、有羊、有牛、亦有猪，务求大家都拣到自己啱心水嘅主菜。题外话，佢哋啲服务真喺做到足，好似上菜咁，由始至终，都喺做到同时上菜。
香煎虎虾及北海道带子意大利阔面，干邑香草忌廉汁 $660 件虎虾煎得甘香，啲虾肉好爽弹，大厨鎅晒背方便食用，而北海道带子厚身够肉地，柔软清甜，食得出用料有质素，绝无马马虎虎；至于个阔面好特别，较一般嘅阔面阔身，入口柔韧，挂上干邑香草忌廉汁，芳香好食。
香煎虎虾及北海道带子意大利阔面，干邑香草忌廉汁
27 浏览
1 赞好
0 留言
烩牛膝不愧喺店方推介，件牛膝烩到好软腍，入口肉质好软滑，而且，好够肉香，又渗出红酒嘅香味，大家都无不大赞件牛膝正；除伴有少少精致嘅时蔬外，牛膝底下垫有好多松露薯蓉，做得幼滑又极富松露幽香！
法式红酒烩牛膝伴松露薯蓉
34 浏览
1 赞好
0 留言
友人喺食肉兽，和牛喺心底之选，和牛要求五乘熟，果然煎得恰到好处，M9级既有肉味，又有油香，质感细嫩就唔使多讲，就算唔沾啲玫瑰岩盐，同样好食；唔单单有时蔬、薯蓉，仲配上黑毛猪火腿露荀卷，咸香中有份爽脆。
M9和牛配黑毛猪火腿露荀卷及喜玛拉雅山玫瑰盐
30 浏览
1 赞好
0 留言
食完主菜，来一杯花茶，目的唔单止稍稍消滞，仲可以让胃纳缓和一下，花茶嘅清幽香气亦叫人可更放松。
意大利芝士饼 既然喺花思，又点可以因循，所以，甜品之一嘅意大利芝士饼卖相亦别树一格。马卡风芝士之内，并揾唔到渗透咖啡酒嘅手指饼，取以代之喺咖啡啫喱粒。大家对此都较为两极，有人觉得好有新意，柔滑嘅芝士浆夹杂甘苦嘅啫喱粒，好有冲击感；相反，就觉得唔太夹，无咗意大利芝士饼原有嘅神髓。
焦糖炖蛋 依一道焦糖炖蛋就嚟得大路，虽然并非法式炖蛋嘅做法，但焦糖一样好焦香沉厚，炖蛋蛋味香浓，又很嫩滑，整体唔会过甜。
餐厅每晚只做一转客，所以，大可以慢慢叹，我哋亦食足三个几钟，谈天说地讲过不停，真喺此「喜」彼「乐」 。
张贴
