酥妃皇后 (蘇杭街)

营业中

休息中

下午茶时间，做野做到好攰，想揾啲野食下。同事们推介我试下呢间以酥皮做主打既 Queen Sophie，话佢既蛋挞唔错，咁就买黎试下啦～～4点几去到，都仲有好多挞拣，同事推介蛋挞，咁就要蛋挞，个人比较钟意葡挞，就要埋黎试下。先讲𠮶酥皮，本来以为两个一样。但食落葡挞既酥皮明显比较酥脆，而且牛油味比较特出。唔知系刻意定意外😅😅蛋挞既蛋部分都算滑，但系蛋味就唔特出，整体既味道都偏淡。而葡挞蛋部分系比蛋挞甜，但焦糖化唔够，所以除左甜啲之外，同蛋挞没分别。以$12蛋挞同$17葡挞黎讲算系大件同唔错既。