小鍋米線 (天一商城)

营业中

休息中

地点近我住，都食过几次。酸辣汤就麻麻地，麻辣汤好食啲。每次都会叫麻辣中辣招牌小锅米线，𩠌就叫咗蒜香鸡扒，饮品系附送豆浆，成个餐$45+$2外卖费。佢个汤底唔系好浓同麻辣唔算好辣，如果钟意食浓味汤及辣未必啱。本身已经包咗好多配料，有菇，鸡肉，酸菜，肉碎，芽菜，腐竹。配料最好食系酸菜，系甜甜地爽脆嘅口感，个人系几钟意食，其它配料就正正常常。米线爽口，好食。蒜香鸡扒都ok ，肉质唔太靭，鸡皮有少少脆，成嚿食落去系舒服，如果蒜味重多少少就好。饮品附送豆浆，豆浆几好饮，唔太甜，都重豆味。