小鍋米線 (天一商城)

营业中

休息中

食過元朗嗰間幾次，覺得幾好食，今次喺天水圍特登嚟試一次，點知好失望，碗米線聞落好香但其實除咗麻同辣之外係咩味都無，唯獨甜酸菜係最有味，同埋米線太腍，一夾就斷哂，唯一欣賞嘅係啲配料樣樣有啲，菇同菜份量都唔少，而且南乳雞件真係好惹味，$45包飲品又唔算貴，啲姐姐都好好招呼

招牌小窩米線（配牛展）：跟餐豆漿—-$45牛展好硬，難咬，湯底無叫辣味，所以味道偏淡。過橋米線 ：跟餐豆漿—-$45湯底一樣無叫辣味，所以味道都係偏淡。跟餐加配：蒜泥白肉+ $13蒜泥香口，白肉肥瘦均勻，唔錯嘅。

之前喺元朗食過呢間小窩米線，覺得呢到嘅米線幾有特色，對呢到嘅米線印象幾好，今次就嚟到位於天水圍天一商城呢間分店晚餐～招牌小窩米線 + 蒜香雞扒💰HK$45 +跟餐加凍奶茶$2朋友唔食得辣，所以揀咗清湯！呢度嘅清湯係主打雞肉豬骨湯，但飲落味道好淡，成個米線都冇味！蒜香雞扒就正常水準～ 自選米線 + 手撕雞 + 小酸辣💰HK$40明明叫咗酸辣，但係湯底顏色睇落似清湯，味道飲落去都係清湯，成個湯底最有酸辣味嘅應該就係得酸辣甜酸菜！自選米線係有埋啲酸辣炸醬嘅，結果係得果一兩粒！手撕雞肉質亦非常柴，好失望～蒜香雞中翼💰HK$28份量算多，有6隻！雞中翼外層好酥脆，充滿啖啖嘅蒜香味！係成餐飯最有味道嘅野食～

自選米線（自選餸:南乳雞件）酸辣少辣 $40.00配料：芽菜、腐皮、菜、酸辣肉碎、秘制甜酸菜湯底夠味，唔會好咸，唔夠麻辣/辛辣嘅話可以自己再加，唔錯唔錯！！！米線唔算話好爽，但起碼唔會太腍或太漿。南乳雞件炸得好香脆，南乳味濃，腌得夠入味！凍奶茶小甜 +$2.00好夠凍，茶味比較出，所以澀澀地，奶味唔係幾夠。好少有餐廳會同時提供即棄筷子同普通筷子，所以幾特別，可能會有人覺得唔環保，但另一個角度睇，會衞生啲！

地點近我住，都食過幾次。酸辣湯就麻麻地，麻辣湯好食啲。每次都會叫麻辣中辣招牌小鍋米線，餸就叫咗蒜香雞扒，飲品係附送豆漿，成個餐$45+$2外賣費。佢個湯底唔係好濃同麻辣唔算好辣，如果鐘意食濃味湯及辣未必啱。本身已經包咗好多配料，有菇，雞肉，酸菜，肉碎，芽菜，腐竹。配料最好食係酸菜，係甜甜地爽脆嘅口感，個人係幾鐘意食，其它配料就正正常常。米線爽口，好食。蒜香雞扒都ok ，肉質唔太靭，雞皮有少少脆，成嚿食落去係舒服，如果蒜味重多少少就好。飲品附送豆漿，豆漿幾好飲，唔太甜，都重豆味。

翻工之前食個lunch先，今日心思思想食米線但係附近無譚仔🥲行過呢間雲南米線望望menu，同平時食開雲x川，貴x園嗰啲好唔同，有幾款set好囇餸嘅米線，用左雲南唔同嘅地名命名。今次我就叫左碗大理米線 $45，有蕃茄 豬肉 金針菇 茶樹菇 牛肝菌 芽菜 甜酸菜同生菜，我另外加左份豬軟骨 $9，份量都唔少。講翻味道先，我本身好中意食菇類，所以今次嘅評價就比較主觀。因為落左好多種菇落去煮，個湯底真係極鮮甜，飲得出少少豬骨味同各種菇味，開心過飲忌廉蘑菇湯。重點推介下佢個茶樹菇同牛肝菌，乾貨嘅佢地大家可能見得多，新鮮嘅應該無咩鋪頭會有得賣，不過今次有驚喜。新鮮茶樹菇嘅入面吸滿左湯，口感上似比較有咬口嘅白玉菇，亦都比較有菇味。而牛肝菌嘅菌柄比較脆身，其餘部分滑身，比較軟，整體上餸嘅份量多，好好食，會瘋狂encore嘅程度😋😋😋

叫左個豬軟骨酸辣小鍋米線同咖喱牛腩飯豬軟骨酸辣米線-豬軟骨硬、無咩味-米線ok lo-酸辣湯吾酸吾辣似清湯咖哩牛腩飯-無咖哩味又吾椰香-牛腩嚡-飯正常奶茶同檸茶難飲澀！

好耐之前喺元朗食過，而天水圍呢間已經幫襯過唔知幾多次，堂食又試過，外賣又試過。飯同粉麵都試過，每次都冇失準。今次叫咗招牌小鍋米線小辣配大腸、腩肉 $50(配料:雞肉、鮮菌、酸辣肉碎、炸醬、腐皮、芽菜、菜、秘制甜酸菜) 湯底一如既往濃郁，配料亦非常多，大腸有啲較肥，有啲就清得幾乾淨，腩肉嘅肥肉唔多，有啲都幾嫩，有啲就乾乾地，而配料嘅雞肉就麻麻地。薯粉夠彈牙。凍奶茶少甜 +$2真係好淡，茶底唔掂！一向食開都知冇服務可言架啦，都係只求食碗麵。所以要服務的人，看開點！

湯無味，酸菜都係得嗰幾條好細嘅，雞絲勁少又鞋，重點係米絲好硬，見到每條都幼幼咁，有硬心，我肚餓已經唔理照食，但食食下都係頂唔順，因為有d係超硬，有d又好少少，中伏，唔會再幫襯！

今日肚餓懶懶地唔想出街於是叫左熊貓外賣 一碗招牌小鍋米線，兩餸雜菌雞絲，麻辣中辣，另外再叫左個青瓜，自動幫我分左湯，非常貼心😋湯底酸酸辣辣非常開胃，湯底有少量肉醉，酸菜，同芽菜，佢d酸菜夠酸香脆口，好好味而且雜菌非常足料，而雞絲相比之下份量就比較少，而且比較鞋口，另外青瓜小食大量蒜蓉，好香，而且有醋香味，非常惹味

幫襯左呢間米線兩年幾，每次食完都好滿足。覺得佢嘅湯底同其他舖頭嘅味道係唔一樣嘅，所以都有keep住幫襯。最愛就係招牌小窩米線，貪佢湯底多料每次食完都好飽。今次介紹埋朋友一齊食。叫返平時食開的小辣同跟餐配料。跟餐配料味道保持水準，南乳雞翼依然好惹味香炸豬扒依然鬆軟薄切。但最重要嘅米線同湯底味道非常之差米線口感冇彈性，好似浸咗好耐咁！湯底剩係得辣味冇鹹味冇豬骨味冇香味同之前食嘅味道都唔一樣！簡直同清水加啲辣椒冇分別！超級失望！湯底配料一碗正常份量，另一碗偏小招牌小窩米線（小辣）配腐皮、南乳雞翼～飲豆漿跟餐配料：腐皮份量超小湯底配料嘅菇豆芽肉碎酸菜比平時小好多第2份：招牌小窩米線（小辣）配蘿蔔（好入味）、香炸豬扒（即炸）～飲豆漿跟餐配料：蘿蔔份量超多湯底配料嘅菇豆芽肉碎酸菜同平時一樣咁多（如下圖最後一張）

天一小鍋米線係我天水圍推介嘅米線鋪首選，有中學時係元朗食嘅味道！ 3月月中同尾各食左一次，疫情下午餐堂食少左人，外賣隊就長🤣一向走酸辣嘅我月中為左食肉碎就試左小辣，原來都有酸味配菜，果然唔岩我口味😛 所以今次都係叫返清湯，走酸走辣，甜甜地嘅湯底先岩我食☺️是次點餐：自選米線$40配3餸《蒜香雞扒、魚腐+$5、鴨胸+$5》，埋單共$50蒜香雞扒外脆內軟有咬口；魚腐2塊，軟身甜甜的；鴨胸驚喜地有5塊，算係量多，味濃偏軟身。三款餸都好食，但食到最尾都幾飽，平時叫2餸都夠食🤣見到同場有幾枱客都叫南乳雞件，望落香脆可口，相信都係出名之選。可惜唔食南乳嘅我就無緣試食啦🤣附上月中食自選米線配2餸小辣嘅圖😁餐牌：

小鍋米線 (天水圍) 第一次幫襯，見到menu好多選擇，就吸引咗我入去。 員工服務唔差，但短短一餐嘅時間已經聽到員工們出錯嘅頻率好高，仲會不斷推卸責任～～甚至前一秒同廚房講完新單有嘢要改，後一秒出嚟都係冇改到…🔺無加一服務費～雞絲用咗雞胸肉，偏乾～粉皮偏厚，有彈性，口感唔錯原本叫雞絲粉皮，以為佢係落麻醬果隻(因為佢有雞絲粉皮&麻辣雞絲粉皮)，但order嘅時間先知原來冇得叫唔辣，不過都想試下～可能覺得我地唔食得辣，放多咗好多蒜水👍🏻，雖然同想像中有啲出入，但整體嚟講唔錯嘅😋點咗BB辣，偏酸～豬腸滷得唔久耐，冇咩味🥲配菜好足料👍🏻👍🏻會再嚟食💜清湯，湯底偏甜～有雞有豬，都滑嘅，唔會好多渣👍🏻個酸菜尤其好味😋甜甜酸酸，唔會酸到那喉嚨👍🏻👍🏻

話說本人好鍾意食元朗嗰間小鍋米線 因為覺得湯底冇咁紅油 但係又有麻辣嘅味道甜酸菜 10分好味呢間天水圍食過一次 上次食覺得都OK 但係味道冇元朗個間好味 但今次食 真係比較差 甜酸菜唔係之前食開嗰隻味 冇乜甜嘅味道🥲叫咗中辣都唔辣嘅 元朗係有麻又有辣嘅味道今次叫中辣都唔辣 （對比上次 上次都辣啲）湯底冇乜層次 得小小死鹹之前睇呢一間天水圍嘅評論不是太好 但今次食真係覺得不是太好🥲同埋呢一間好明顯米線少啲 份量等於元朗我識嘅小米線對比元朗呢間 雖然外賣 但我10分鐘就返到屋企 啲雞扒比較乾身我諗下次 我都係路過元朗先再食元朗嗰間🥲

Lunch堂食叫咗個招牌小窩米線，南乳雞件（炸雞件嚟），加凍飲$44，味道唔錯，中規中矩，無伏。特別係個南乳炸雞件算幾出色。地方好細，得十幾個位，但都乾淨。咁嘅價錢值得一試。