川味美食

营业中

休息中

长沙湾一条青山道，就至少有5间唔同嘅米线铺头，对于钟意食米线嘅我黎讲，真系劲方便！之前试过川味捞米线，今次就拣咗汤米线。平日夜晚7、8点去食，铺头大约一半满，都有唔少空位，坐得都舒服。店员执完枱就坐低嗌𩠌，叫咗个肥牛、海带肉酱酸辣汤米线，比我想像中足料，份量正常，特别中意食呢款海带，有咬口，而肥牛都唔太差，无煮得太熟，否则好惊老得济。汤底嗌咗小辣，但话就话酸辣，竟然无乜酸味，有啲失望，辣都系因为面头个浸辣油同炸酱浮出黎，整体汤底比较淡而无味，最差系米线竟然有几条好硬，唔通系煮定再碌返热上菜？整评唔会话差，始终佢价钱都系街坊价，但质素有改善空间，希望下次食会好啲。