麵館皇

营业中

休息中

今日响铜锣湾收工唔知食咩好，知道登龙街好多好嘢食就同老公过去行吓睇吓~睇完之后发觉𠮶条街好多餐厅都试过，唯一系呢间面馆王冇食过，可能因为入口唔算好起眼所以一直都冇意欲行入去食~ 我哋见反正冇试过就入去试吓啦，点知酸菜肉碎令我好有惊喜其实我一向都比较钟意食汤面，但因为𠮶日天气真系好热所以唔想再食热嘢，于是就决定叫个捞面试吓~ 肉碎辣度适中之余唔会太肥腻，夹埋酸菜食非常开胃，完全系夏日消暑恩物老公就叫咗成年人不作选择嘅药膳灌汤面，乜𩠌都有齐够哂饱肚~ 唔好见到药膳呢个名就惊，其实佢药味都唔算太浓，所以唔特别钟意药膳料理嘅人都唔会抗拒，值得一试~ 另外我哋仲叫咗个鸡翼都系水准之作，炸得好脆~ 不过成餐饭令我最怀念都系个酸菜肉碎，我谂佢会成为我日后黎铜锣湾嘅必食之选