sift desserts (希慎廣場) (已結業)

Order左1盒12件minicupcake庆祝朋友毕业。要左4件red velvet，green tea latte, toffee apple, luscious chocolate,salty caramel每样2件。Red velvet非常松软而最surprise系上面啲cream系酸酸地，成个cupcake食落唔会漏又唔会滞，系咁多只味入面我最中意既。Salty caramel n luscious chocolate都系啡色唔系好分到边只打边只，不过两只食落都太甜，中意甜野既人可能会觉得口感rich啲。Greentea latte食落虽然唔系太重绿茶味，不过清清地几好味而且唔会好似之前两只味咁甜。Toffee apple本身以为拖肥一定甜，点知沟埋苹果酸酸地又match得几好，而且上面啲cream真系食到苹果粒，平时唔中意食苹果批既我都觉得好好味。一盒12个要$180其实小贵，不过贵得值得，下次会想试埋其他味。