娘惹嫁到 (已結業)

本来开喺西环嘅娘惹嫁到结业，实在系西柚们嘅损失。大半年后，终于都喺荃湾开返。虽然地点对我地港岛人来讲比较远，但距离系无阻我哋对正宗马来西亚娘惹料理嘅思念。新店比旧时大好多，客人都坐得舒服好多。至爱招牌美食，肉骨茶，牛尾喇沙，同旧时一样咁好食。尤其牛尾，肥瘦适中。深海鱼蛋又系必食啦，唔使多讲，好弹牙！咖吔多士，宜家仲有多种口味！以为原本班兰味已经系最好食，原来新嘅蓝花鹅蛋味，将咖吔多士嘅香又提升到另一层次！更香浓！大厨好钟意创新，特饮又多左几款，香茅柿子特饮真好味。