東歐餐廳 (已搬遷) 新店位置

之前朋友介绍过，咁啱又见到团购有推广，就买左张团购黎试。入到餐厅，发现团购客都会被安排坐于餐厅外围，而正价顾客都被安排入餐厅内厅，呢个安排令我朋友感觉不太舒服…依住团购餐既Menu，我order左西红柿沙津西红柿夹住既芝士比较浓味，无食开不同种类芝士既朋友应该会食唔惯，但for me就ok，加上清清地既三文鱼子沙津，味道一浓一淡平衡返，几好。汤我选择左马豆汤，粒粒磨出黎既马豆蓉非常有口感，除左必然既浓郁马豆味仲有牛肉香味，加上蔬菜同肉粒，整碗汤啖啖都有咬口主菜方面拣芝士焗牛脷，牛脷焗得非常淋，入口即溶，脂肪度适中，食哂成碟都唔会腻。最后甜品系苹果批，同我想像中既苹果批唔同，佢似苹果磅蛋糕多D，味道不过不失，但留意，食𠮶时点埋佢伴碟既青苹果酱，酸酸甜甜会好食好多。总括而言，虽然比较浓味，但有机会都会再帮衬。