彩鳳酒家

营业中

休息中

无啦啦话要入流浮山食海鲜，于是到左附近买定啲海鲜再去酒楼加功，无乜特别食开边间，见老板娘好有诚意就入呢度啦。整个流浮山啲酒楼望落差唔多，旧式舖，唔会有太多花巧野，环境虽然麻麻，但总算干净。攞哂啲海鲜去加功之制，老板娘送左个芥菜豆腐鱼汤，好鲜味，但冻左后有少少腥。东风螺，清蒸嘅都无技巧可言，螺鲜味，虽然唔系好大粒。椒盐濑尿虾，拣左几只大大只嘅，啖啖肉好正，但椒盐相当重手，好咸呀。炒通菜，好鲜绿亦很油，但出黎食都预左。蒜容蒸扇贝，劲多蒜，豉油同油，粉丝吸哂啲汁好正呀，但又系偏咸。清蒸膏蟹，好多膏，蟹肉鲜甜，大大只，食得好满足。豉椒炒圣子，壳放底感觉上大碟啲，味道一流。圣子鲜又爽，唔韧，不过又系咸左啲。除左食海鲜，劲系要返啲肉，去亲酒楼都叫嘅生炒骨。菠萝同个汁都偏酸，肉方面，粉唔厚亦唔系返炸，都几好食。再加多个干烧伊面，烧得香口，大大碟，豉油同样重手，食到底好咸。食完后有生果送，橙一碟，有酸有甜，睇你好唔好彩攞到边块啰。虽然系咸左啲，但呢餐食得好满足。