影片
更多
2013-08-27
134 浏览
细个时间中嚟食，但当时仲未识分咩叫好嘢，而家食返真系有少少想揼心口。佢嘅食品质素其实普普通通啦，例如牛杂咁样都OK嘅，唔系难食，但点解我要畀个喊呢？就系因为佢个汤浓到呀妈都唔认得，每次都涸喉加头痛，而我食完味精系会头痛嘅，所以各位客倌自己参透下啦……唔系有时屋企人想食我真系唔会再去。不过咁，佢𠮶度嘅云吞系做得唔错嘅，但唔系巨型云吞，但有大地鱼香味，亦都有猪肉香，唔系全粒都系虾虾虾，间中我都会去买打生云吞嘅。
而家食返真系有少少想揼心口。
佢嘅食品质素其实普普通通啦，
例如牛杂咁样都OK嘅，
唔系难食，
但点解我要畀个喊呢？
就系因为佢个汤浓到呀妈都唔认得，
每次都涸喉加头痛，
而我食完味精系会头痛嘅，
所以各位客倌自己参透下啦……
唔系有时屋企人想食我真系唔会再去。
不过咁，
佢𠮶度嘅云吞系做得唔错嘅，
但唔系巨型云吞，但有大地鱼香味，
亦都有猪肉香，唔系全粒都系虾虾虾，
间中我都会去买打生云吞嘅。
题外话/补充资料：
唔知系咪生意冇咁好定系老板决心要改革喇，
以前佢哋成班都好串，有啲伙记态度差到好似撩交打咁，
落单又求求其其，又要催你，又呼呼喝喝，
摆低碗嘢又弹啲汤出嚟，对啲客评头品足，
试过有个客走咗就即刻讲𠮶个客个样点点点点，
收钱多谢都冇声好似老奉咁，
佢找钱俾我我讲声唔该，都反问返自己做咩要对佢咁好礼貌，
呢啲咁嘅员工同管理系咪有病架？
不过咁，始终系过咗去嘅事，最近都有改善
由细帮衬到而家都唔希望佢执嘅，
希望逐样改善，越做越好啦。
(以上食记乃用户个人意见 , 并不代表OpenRice之观点。)
张贴