鹿苑粉麵餐廳

营业中

休息中

很久沒有到大圍，今日去到大圍梗係即時搵返兒時回憶“鹿苑粉麵”啦！以前中學lunch一星期起碼食三日鹿苑粉麵🤣火車站附近，地理位置極之方便，價錢實惠又好味，最鍾意食佢哋嘅大大粒水餃同埋牛雜😋食返碗回憶牛雜河先😝，由落單到食物上枱時間快速，味道依舊，材料跟一般麵家一樣牛肚、牛肺、牛腸、牛蒡等，配嫩綠新鮮嘅芫茜，食完唔覺得口乾，仲可以加八蚊有熱飲。跟以前唔同嘅就係而家餐牌食物款式種類多，有選擇困難症嘅可能要畀少少時間研究下先得🤣裝修雖然不是富麗堂皇，但有著兒時讀書嘅開心回憶！

一間歷史悠久的鋪仔「大圍鹿苑」，真是讓我感受到傳統的魅力！這裡的雙拼只需$48，非常划算。我點了牛肚雲吞米，味道相當不錯，湯底鮮香，雲吞的餡料也很豐富。不過，聽到周圍很多人點魚旦河、淨魚蛋和牛雜蛋河，讓我忍不住想下次再來試試這些人氣選擇。

牛腩牛雜米和沙爹牛肉麵真的是兩道超好吃的美食！先說牛腩牛雜米，這道菜的牛腩煮得軟嫩入味，搭配上牛雜，像是牛肚和牛腸，口感特別豐富。通常會淋上濃郁的醬汁，然後配上熱騰騰的白米飯，簡直是絕配！吃的時候，還可以加點青菜，讓整體更清爽。再來是沙爹牛肉麵，這道麵條的特色就是那個沙爹醬，香香的，還帶點微辣。牛肉切片後用沙爹醬炒，味道超級濃郁，然後和麵條拌在一起，吃起來特別過癮。上面再撒點香菜，讓整碗麵看起來更誘人。這兩道菜不

一間多年麵店，座落大圍站附近，一間老麵店。很多年沒有到此區選食物，想不到嚟到就係佢。。。價錢ok啦，普通米粉麵都係約39蚊，除非你想雙併，特色精品爽腩類，就會貴d。今日早午餐合併當下午茶食，決定豐富一點，選了牛腩米及凈水餃。大約10分鐘就製作完成帶回家太肚餓，一打開牛腩米就係咁食，米粉都吸收到牛腩汁，超惹味。牛腩易咬又入味，冇選錯。之後就以水餃清清地作結。外賣碗仔細細，都有5大粒，每粒都好足分量。

---今次去咗鹿苑試咗佢哋嘅魚蛋雲吞麵，真係一個舒服嘅午餐選擇。麵條彈牙得嚟唔會太硬，湯底清甜，一啲都唔會太鹹或者油膩，好適合追求健康飲食嘅人。至於魚蛋，彈性十足，每一啖都飽滿得嚟入口即溶。雲吞裡面嘅餡料也好實在，皮薄餡多，同湯底完美融合。飲品方面，佢哋嘅豆漿真係另一個驚喜，甜度啱啱好，豆香味濃郁又唔膩。還有，別忘咗試下佢哋嘅牛丸，質感彈牙而且味道鮮美，每一粒牛丸都令人回味無窮。總括來講，鹿苑嘅魚蛋雲吞麵、豆漿同牛丸都值得推介，仲有辣椒油勁香勁辣，下次再去絕對會再點嚟食。---

下午茶時間都未食午餐，但有嘢要喺大圍趕住做，見間舖有點歷史，諗住食淨水餃應該穩陣，點知碗水餃浸住湯都又乾又柴，裏面嘅蝦好似曬到一半嘅蝦干，餡唔新鮮，成碗嘢死鹹，味精又重，鹹到喉嚨唔舒服，之後飲咗好多水。第一次幫襯亦應該冇下次。

師傅煮得好慢 餐廳樓面地面上有食物殘渣 餐廳衛生程度欠佳 己經落單既食物 過左二十二分鐘後 衣然味上台 就算問樓面 樓面話幫手 但衣然只係不停係到傾計 去到最後最後 一碗面要三十二分鐘後先到 杯野都飲曬咁濟 個面先致啱啱到 「滾響熱辣」咁倒左落去就算數

係大圍工作，第一次食鹿苑粉麵，有驚喜真係好好味！崩沙腩香滑濃郁食得很滿足$49又真係好抵食，環境幾寬敞，員工都很友善，以後會幫襯多啲！平時好少會寫評語的，值得推薦的粉麵餐廳！

牛筋魚蛋河 配豆漿（$45 + $8）*普通單拼粉麵餐可加$8多一餸/加紫菜/撈底/轉秘製酸辣湯係傳統粉麵店的味道🤤！湯底係濃的，勁多牛筋😍，而白魚蛋有3粒。先講湯底，我中意蔥花蒜米同湯的配合，蒜香同湯的咸味好夾，唔會互相搶左味道。河粉吸湯好勁，所以啖啖都好味😋牛筋炆得超級淋，啖啖膠質，而且份量勁多！白魚蛋都幾彈牙，算係正常發揮。至於飲品方面🥛，凍豆漿偏甜，建議可以少甜。秘製酸辣豬扒米線套餐配凍檸茶（$47 + $2）豬扒比我手掌大，而且味道比想像中出色。首先豬扒本身醃得好入味🐖，加上煎到岩岩好，所以幾香幾juicy。至於袐製酸辣湯底味道正常，說不上袐製咁勁🤭。湯底唔算好辣，大概係5小辣果個程度，我唔太食得辣都接受到。是日油菜（$17）食d蔬菜健康d🥬，所以點左蠔油煮芥蘭（仲有通菜&菜心可以揀）。芥蘭咬落爽口唔會老，蠔油落得好豪氣。服務態度方面都算唔錯，店面姐姐好積極咁幫我地落單，而食物都上得幾快。另外我見買外賣/邊鑪配料既都街坊都唔少，幾有人情味。不過呢度就唔係食環境既，因為佢只係舊式粉麵店的裝修，同埋應該都好耐無翻新。但2個人食晚飯，埋單每人都唔洗$60，性價比都算高。

呢一間舖已經喺大圍好多年，每一次經過都會見到裏面有好多人，今日終於都有機會可以去試到！一如以往佢都比較舊式嘅設計，熱情親切嘅夥計，我一坐低就叫咗一個雞扒米粉，佢另外配火腿同煎蛋！等候時間大約5分鐘左右，而家嚟到熱辣辣嘅雞排已經放咗喺面上，不過我唔係太鍾意雞扒係醃過嘅，令到每一啖都會有一浸醃過嘅黑椒味，不過雞肉係比較滑嘅，而呢一啲面店最好嘅特色係由自家製嘅辣椒油，我會鍾意辣椒油撈米粉。而煎蛋同火腿就個人認為冇乜特別，都係即叫即煮！

近日小弟去咗呢間喺大圍屹立9年嘅粉麵餐廳。依家唔少茶餐廳陸續新鮮轉型，務求吸引年輕一代，而呢間仍保留住典型港式茶記風格，白色卡位加上雲石圓枱嘅多人座位，伙計身上個件傳統白色戰衣，舊港風味十足，今次小編揀左好多人都鍾意食嘅常餐，跟餐個碟大大份火腿奄列，諗起都想食！沙嗲牛肉麵 (常餐A) $43牛肉片，厚身，纖維肉質未有被鬆肉粉醃過火，食落仍有咬口。沙嗲醬，唔咸偏少少甜微微辣，沙嗲味淡，偏花生醬味，表面有少量花生碎！🥜麵條，淥得啱啱好，口感爽彈，唔會過腍，嗦埋湯汁！好食！牛油方包+火腿奄列 (跟餐)火腿奄列，好大份、厚身！有驚喜！👍🏻 應該用咗2-3隻雞蛋，size大過半隻碟，有雞蛋香，而且煎至燶邊少少脆，唔太油，絕對值得一試。凍檸茶唔太甜，茶味淡，勝在夠大杯👨🏻‍💻 總括嚟講，水準中規中矩，但份量、用料充足！ CP值高！ 鍾意食粉麵又支持港式人情味嘅話唔好錯過！😁👍🏻_______________鹿苑粉麵餐廳 (大圍)大圍金禧花園7號地下_______________

己幫襯十多年，今天終於被搵笨。以前也聽過很多投訴，不過因為貪就腳，從來不在意。今天心情本來很好，想吃崩沙牛腩，本來想去另外一家，因為本來就感覺這一家只能做最低要求的東西。但因為要買魚皮打邊爐，順便問了一個熟悉的女侍應，問得好淸楚，加錢可以提供崩沙牛腩。結果，切頭切尾一堆垃圾。因為女侍應行開咗，同另一個不認識的男侍應講，佢問我是否未幫襯過。最後，付了錢，垃圾沒有拿走。以後，永遠不再幫襯。

想不到這間在大圍歷史較久的餐廳，這麼多負評，但是我們再走到外邊的美食廣場，看見那個「搵食市集」已經倒閉了於是就隨便行到來這邊看看有什麼餐廳，結果就立馬進入這間舊式餐廳。和妻子每人點了一碗麵，她的牛雜，我的是牛腩，牛腩肥瘦均勻，不會太乾太瘦吃到痴牙，而且賣相功架十足，肥瘦均勻，雖然麵條吃起來比較碎濕濕，不過30多元都不算太差。妻子的牛雜，好像腸的部份，夠肥夠香，都油份十足。另外由於餓了太久，下一餐在友人家作客，不知什麼時間才能夠吃，於是一起吃多一份下午茶就是西多士雞翼，雞翼就只有兩隻中翼，生炸雞翼，因此外皮夠脆夠香，中間的醃料都吃得出那種特別的香茅味道。半份西多士難免感覺比較少，中間的醬不算太多，不過包都算是弄得夠脆，加點糖膠，當然不會太差。鴛鴦的味道也算是不錯，奶茶咖啡味道調配得宜，不會有一款喧賓奪主，這間餐廳的茶味好像都算挺為香濃。大圍係現在很多舊式餐廳都好像已經倒閉了，在最外邊的那間雞粥小菜店亦都關門大吉，就連搵食市集這裏平價的美食廣場都關閉，好像轉了那些中式辣店舖，隨着沙中線、屯馬開通興奮的發展，樓價飆高，會不會大圍這邊遲些也全數轉為連鎖店😕或是大商家旗下的店舖，又或是大集團旗下

目的係食佢個炸魚皮 以前細個食好好食 今日食就有啲唔夠鬆化 炸得偏硬 要浸湯浸耐啲先食點左佢個牛筋米送炸魚皮 加凍奶茶個米粉一泥已經朔晒水 比既湯唔夠多食食下 無着制服嘅一位叔叔（應該係老闆我見佢主要收銀)比多左碗湯我點炸魚皮 算係細心粉麵鋪飲奶茶就預左唔會係好飲既 杯奶茶都飲淨一半

如果你search鹿苑，你只會找到大圍這一家，別無二號，而事實上這是小家街坊小店，我甚至懷疑這是家族經營的，裏面小至餐單，員工服飾，食物配搭，大至座位環境，門面佈局都無規則可言。在這裏，可以見到正在工作的員工食着哈蜜瓜，又可以見到穿着人字拖上菜的厨師。當一枱客人吃着魚蛋米，牛腩河的時候，另一枱客人卻點了火腿通，沙律薯條，食物配搭靈活，種類迴異多變。而今天，我點了炸雞髀燴意粉，燴意粉這食物，是具有濃烈香港的色彩。一般的意大利意粉，煲完後只混入欖油備用，加上肉醬在面，吃時伴均，甚少回鍋再煮。但燴意粉是切合了香港人的口味，把意粉煮得稔些煮得入味些。如圖所見，意粉是燴煮過，再加多一堆醬，味道濃上加濃，但面條質地又不會軟爛，處理算不錯。炸雞髀是現炸的，燙的熱肉汁仍然保存在髀內，雞皮香脆可好，美味！整道菜式，誠意可嘉，這就是人情味。鹿苑雖然草根，服務亦未必及得上連鎖快餐，但卻是鮮活的，熱血的存在。難道要它殆沒在這冷漠的世界中，我們才驚覺失去的可怕嗎？